туьрк, сущ.; -ди, -да; -ар, -ри, -ра; || ДАМ -уни, -уна бедендин паяриз иви тухузвай якӀун гъал. АтӀанвай пис ятурдин дам, иви физвай хирерай. М. Алпан. Алпаб. Адан дамаррал хъилен цуцрухар акьалтзавай. 3. Э. Куьгьне кавхаяр пӀуртӀ. Сержан-Ханум Гьажимурадовади сагъар хъийизвай уьзуьрар гзаф ава: ... мез галкӀун, япарал агъур хьун, агъургъан... РикӀин ва дамаррин, гьакӀни къенепатан вири органрин, ракдин, хамунин ва дишегьлийрин азарар... Гь. Гьамзатов. Гьаким Лукьман - Сержан-Ханум... Аким Селминатаз килигна, ахпа ада, мад Шалбузан ивидин дамарар ахтармишун патал, гъил кьуна. А. Сайд. «Алад, ваз югъур хьуй!». РикӀин дам атӀун.
* дамарар кьун гл., ни нин 1) мекьивилелай начагъ хьун. 2) мекьи хьанвай инсандин дамарриз массаж авун, далудин дамарриз гъуд гун. Дидеди аялдин дамарар кьазва. Р. 3) кӀани гафар лугьун, яб гузвайдаз хуш къведай ихтилатар авун. - Аквар гъаларай, Алмас, - жаваб гана руша, -вун рушарин дамарар кьадай, тарифардай устӀар я. Якъин хьи, пакамахъ вуна Гуьлзададиз мадни ширин гафар лагьана. Н. А. Вагьанда къванер.
* дамард(ин) пеш \[хъач \] сущ. хъчарин жинс. Дамардин кьурурай хъчарихъ кьве йис алатайла сагъарунин таъсирлувал амукьдач лугьудай фикир ава. ЛГ, 1999, 14. X. Дамард пеш гзаф йисарин набатат я, вичин кьакьанвални 40 см. жеда. Дамард пешери балгъан регьятдиз алудиз, хирер фад сагъар хъийиз, иви лахта авуниз, къен кӀеви хьайила, ратара затӀар кьери авуниз, таб алудуниз, ивидин давление тӀимиларуниз куьмекда. ЛГ, 2002, 21. ӀӀ.