сущ.; -ди, -да; -ар, -ри, -ра 1) набататдин чилик жедай цӀирер, паяр. Дуьзгуьн тфенг - Гуьлледилай чир жеда, Зурба дувул - тарцихъ галай тандилай. А. С. За адав мерейрин дувулар вигьенвай цӀвегьеда рганвай хипен ниси нез туна. Б. Гь. Заз эвера. Тарцин уьмуьр яргъа л фидач, мягькем дувул, пун галачиз. Ас. М. Гъезелар. 2) куьч. са нин куьн ятӀани кьил, чешме, бине. Ибуру хуьре авай гьал лап дувулрай дуьздал акъудна. Райондин прокурордиз хабар гана ва тадидаказ серенжемар акун тӀалабна. А. Ф. Газет. И дувулар лагьайтӀа, тарцин дувулар чиле жедайвал, халкьдин сивин ва кхьинин яратмишунриз фенва. А. А. Лезги литература. Садавайни къаз жедач вацӀар ви, Рагарни жеч акъудиз дувулрай! А. С. Урусат ви вили ранг умуд я Тайин тир са азардин дувулар гьар'са инсандин алатай девирдиз фенва. Гь. Гьамзатов. Гьаким Лукьман – Сержан-Ханум... 3) граммат. гафунин префикс, суффикс, эхир гадарайла, амукьдай пай. Мумкин я, витӀ ва пӀивитӀ са дувулдин гафар хьун. Р. И. Гь. Гафарин ери-бинейрикай. Гьар са гафунин дибдик дувул ква, месела: абурлувал гафуна абур дувул я; такӀан гафуна кӀан дувул я. Чпиз уртах дувул авай, яни са дувулдикай хьайи гафариз мукьва ва я са дувулдин гафар лугьуда, месела: 1) кӀанивал, такӀанвал, кӀанда, такӀанда, кӀаниди, кӀандайди; 2) абурлуди, абурсузвал, беябурчивал (бейабурчивал) М. М. Гь. Лезги чӀалан грамматика. Сад лагьай пай. Фонетика ва морфология. 5 ва 6 -классриз учебник.