тӀв-эв; -а, -а вуж рахазватӀа, ихтилат, меслят низ талукь ятӀа, гьам. Жув хьайила кӀан хьунухьин савдада, Гьатна иблис зинни ярдин арада. Е. Э. Заз сабур гуз. Жув хьайила эвел халкьар арада, Гила хелвет хажалатдик кьурада. Е. Э. Дустариз. Акур бере жуваз адан амалар, Рахкурда лугьуз ийида вуна хиялар. С. С. Пис папаз. - Жув ацукь, Селвана! Абур кьулухъ ацукьрай. А. А. Пад хьайи рагъ. Са сеферда йифен угърийриз за жув тек туширди чирун патал - "Зи юлдашар ружаяр гваз къабандин гуьгъуьниз фенва, исятда хкведайди я" - лагьанай. М. Ж. "... Фу гайиди я гьамиша". Ингье жуваз течир ( Аллагьди хуьй вич ) гъейри касди зи чарцӀар вири кӀелна, талукь чкадиз тухвана, зи гъахълувал лазим ксарив агакьарна. Т. А. Мехъер куьтягь тахьанмаз.
* жува еке авур бармак жуван вилера гьатда мисал жува хъсан патахъ элкъуьй лагьана авур кар чӀурукӀани акъатда. "Жува виниз авур бармак жуван вилериз аватда"лагьай ихтилатар дуьз я кьван, - ажугъламиш хьанва Нурали. М. Б. ЦӀийи мискӀин..
* жувалай чӀехи къванцелни алукь мисал маналу, жавабдар кӀвалах гъиле кьадайла, масадбурал меслят ая.
* жуван гъиле авай лаш тӀурар алаз аквада мисал 'адет яз, жуваз авай шейэрин къимет, къадир чир жедач' манадин мисал. - Жуван гъиле авай лаш тӀурар алаз аквадайди я. Гъанани авай са ахьтин аламат авач. Б. Гь. Заз эвера. "Жуван гъиле авай лаш тӀурар алаз аквада " лугьудай бубайрин мисал дуьзди я. Япун кӀанел алай "Дагъустан" санаторияда икьван регьятвилер аваз, чун еке пулар харж ийиз, масанриз физва. 3. Ф. Суьгьуьрдин тӀвал гвайди. ГьикӀ?! Композитор кӀвалахик квач? Я клубда, я мектебда адаз чка гузвач? Жуван гъилевай лаш тӀурар алаз аквада, гьавиляй лугьузвайди я кьван. ЛГ, 2002, 30. V.
* жуван югъ няни авун гл. яшамиш хьун (артухан истемишунар авачиз). Заз са дарвални авач... жуван югъ няни ая. Къ., М. Дагъларин деринрин булахар.