араб, сущ.; -ди, -да; -ар, -ри, -ра 1) хъвер, шадвал паталди ийидай ихтилат, гаф-чӀал. - Де абур хьана. Зарафат садра жедай затӀ я. 3. Э. Вил пата авайди. - Я Гьамид! Ву, я стха, вуна вуч лугьузва? Ахьтин зарафатар акъвазара, я кас. - Шусни зарафат туш! 3. Э. Мехъер кьуьл туш. Сулейман вич зарафат, хъуьруьн кӀандай кас хьуниз килигна, ам юлдашрин арада, межлиера жедай... А. Гьажимурадов. ЧӀехи шаир. Зарафат, хъуьруьн кваз, къаб алаз рахун, хци жаваб гун цицӀигъвийриз ата-бубайрилай атанвай къадим адет я. Аквадай гьаларай, чи бубайри хъуьруьнар, зарафатар Эвелни-эвел чӀуру кӀвалахар акъатдай, чӀуру хесетар квай йнсандикай ийизвай. С. Муслимов. ЦицӀигъ-наме. 2) кас агъузардай, адал хъуьруьнардай ихтилат.
* < а > зарафат авач кӀус 'вуна лагьайвал жедач, акӀ жедач гьа! манадин ибара. - А зарафатар авач. И нек кьванни агалдара. ТахьайтӀа, за вун ахъайдач. Зи гьуьрметдай кьванни хъухъ. 3. Э. Мехъер кьуьл туш.
* зарафат туш кӀус 'регьят кар туш' манадин ибара. Зарафат туш, еке казармада ада раж кутур кьуд- вад кас хуьруьнбуру ам хейлин вахтунда хвена. 3. Э. Уртах цаз тадани. Чанда аман амай кьван гагъда ада ам гъиляй акъуддайвал тушир. Пуд манат я гьа, зарафат туш. 3. Э. Пуд манат.
* зарафат(ар) авун □ зарафат(ар) ун гл. 1) ни хъвер паталди ихтилат, гаф-чӀал лугьун. Папа айгьамдин хъвер авуна, гуя адан гьиссерик хкӀазвай затӀни авач. Ада гуя анжах зарафат ийизва. 3. Э. Пата вил авайди. ЦицӀигъа авай хъуьруьнар, зарафатар ийидай устӀарар я болгаррин Габрово шегьердин, я лакрин Куркли лугьудай хуьруьн зарафатчийрилай са кӀусни усал туш. С. Муслимов. ЦицӀигъ-наме. - Хехехе, -хъуьрена лотореядин билетар гвайди, декӀени гьахьтин зарафат закайни авунайтӀа. Б. Гь. Закай зарафатармир. 2) ни никай са кас агъузардай ихтилат авун. Куьз ийида на зарафат Къуьнелай элкъвез килигиз. Е. Э. Ярди.
* арафатдиз (зарафатриз) вегьин гл., ни вуж хъуьруьн къведайвал са нин ятӀани кимивилер къалурун, лугьун. Масан, адан кайвани Беневша Секинатаз са синелай хьиз килигиз хьана, кӀвале авай хтулрини адал хъуьруьнар ийиз, ам зарафатриз вегьена. Н. Алирзаев. "Ракьужат".