араб, сущ.; -ди, -да; -ар, -ри, -ра 1) эркек инсан. Нагагь аватиз хьайитӀа вун чархалай, Пара хийир къачур итимар валай, Вил ягъиз чеб кагьатда яргъа лай. Е. Э. Стхаяр. Итим шехьун чи чкайра айиб я. Ш-Э. Мурадов. Итимдихъ къве мез жедач, Жедач адахь кьве чинни... А. С. Хцихъ галаз ихтилат. - Эхь, чан бала, ацукь, за ваз эвернай, - лагьана цӀару вилер авай, са кьадар яшар хьанвай итимди. И. К. Заза. Зи патавни буш чка са эгьли итимди кьуна. М. Ж. "... Фу гайиди я гьамиша". Дагълар гьяркьуь къуьнерин, шумал буйдин акьуллу итим тир. Лезги халкьдин махар. Итимдин гафунин къуват анжах дишегьлидиз чир жеда. Гь. Къ. Лацу м арал. Амай къван гагь са дишегьли, лезги чӀал чир тек са итим, Етим Эмин, камалэгьли, Туш вун етим! Туш вун етим! М. Салахъ. Етим туш вун. Сад лагьай секретардин кабинетда кьве итим авай. К, 1988, 7. XӀӀ. Антонимар: дишегьли, паб. 2) гъуьл. Етим хьана, гъиле затӀ амачиз, Итим папаз муьгътеж тахьуй, стхаяр. Е. Э. Стхаяр.... дидедиз вичин авайни авачир са велед хъсан чкада динж ийиз кӀанзавай: адан вичин хсуси уьмуьр бахтикъара хьанвай - итим, ам туна, ченги галаз, шегьердиз катнавай. А. М. Киф атӀайди. Антоним: паб. 3) куьч. кар алакьдай, викӀегь, акьуллу, мергьяматлу инсан. Гъурбатда ваз "Я къураба" лагьайла, Вун итимдай такьаз вавди рахайла, Вилин накъвар чурудлайгъуз чкӀайла, Женнет ятӀан, рикӀиз лянет кьведа, дуст. Е. Э. Ватандай катзавайбуруз. Ахьтин стхадин кӀвале вакайни хъсан итим жеда... Къ. Къ. Кьелегъал йиф. Ада тербия гузвай аялрикай итимарни хкатна кӀанзава, - къейдзава масада. Р. Меликова. Сад -дуьадал, сад - межлисдик. Эгер куьне лап гъвечӀи тир аялдиз: «Вун итим я», - лагьайтӀа, заз лап кӀан я. Эгер куьне агакьнавай жегьилдиз: «Вун аял я», - лагьайла, заз такӀан я. Ж. Эгер куьне...