сущ.; -ди, -да; -ар, -ри, -ра 1) чим, чимивал. Туькмишайла басма цӀивин, Гьатай бере къизмиш ифин, Сириставд сес гьар патахъ фин Жеда эрзиман, самовар. М. А. КьепӀир. Ажуз жезвай бедендиз къуват атана ифин гьат хъувуна. А. И. Самур. Акьулсузрин базар хьанва, Кьил авайдаз азар хьанва, Ви бендеяр бизар хьанва, Ифин садав, фул садав гва. С. К. Вуч аям я? Чи гада Зигьирбег кӀевиз начагъ хьанва, адал яхцӀур градусдин ифин ала... С. Муслимов. ЦицӀигъ-наме. 2) гзаф ва кӀевиз рахунилай ва я мекьивилелай туьд тӀар жедай гьалдиз атун. Анжах идакай \[дагълара къекъуьникай ва кӀевиз манияр ягьуникай. - А. Г.\] кӀвачер галатунилайни, туьтер ифинлай гъейри, амукьай маса хийир хьанач. Б. Гь. Заз эвера.
* ифин акьалтун гл, нел чим акъатун, чими хьун. Саралухдин лишанар: жалгъайра тӀал гьатда, иштягь квахьда, экъуьчда, уьгьуь акатда, рикӀ элкъведа, пакун тӀвалара тӀал гьатда, ифин акьалтда. ЛГ, 1997, 20.Ӏ. Ифин акьалтнавай гъилериз килигай ада дериндай ухьт аладарна лагьана... 3. Э. Уртах цаз тадани.