туьрк, сущ.; -ди, -да; -ар, -ри. -ра инсанди, вич инсанрихъ галаз тухудайла, къалурзавай руьгьдин ва психикадин кьетӀенвилер вири санлай. # хъсан ~рин инсан, кицӀин ~рин инсан. Белки, халкьдиз вичин кьилел атай вири мусибатрикай хабар авачтӀа? ( Мумкин я ). Гьар гьикӀ ятӀани, кисна акъвазун хъсан кар туш. Им лезгийриз хас къилихни туш эхир... М. М. Хайи чилиз икрамда. - Вахар хъфена, езнеярни фад хъфенвай. Гила кьве стха - кьве къилих кӀвале кьилди амай. 3. Гь. Бубадин кӀвал. Тухумрин тӀварарлакӀабар, адет яз, хуьр бинеламишай хизанрихъ галаз алакъалу я. Амма бязи тухумрин тӀварар абурун векилрин къилихриз килигна эцигнава. С. Муслимов. ЦицӀигъ -наме. Синоним: хесет.