|| ( НУБА рах. ) араб, сущ.: -ди, -да; -ар. -ри,~ ра 1) вужар-вучар ятӀани сад-садан гуьгъуьнал хьунин къайда. - Ягъа, душман, эвел нубат види я, -лагьана Магъшлада. Ф. Ирирд юкӀ алай Магьамад пагьливан. Пенсионерри кӀуфук хъвер кваз, сада-садав нубат вугун тийиз рахунар ийизвай. З. Э. Зулун пеш. Вуч жеда кьван, туьквендай як маса гузва. За нубатни кьунва. К., 1988, 2. ХӀ. 2) гьахьтин къайдада, цӀарцӀе чка. За зи нубат ваз гузва. Р. Синоним: учир.
* нубат алаз нар. 'гьакӀ хьана кӀанзавайди тир, тахсир види я' манадин ибара. Синоним: кьилеваз. Антоним: нубат алачиз.
* нубат алачиз нар. кутуг тавунмаз. Синонимар: ихтияр авачиз, алазни-алачиз. Антоним: нубат алаз.
* нубат атай чкадал нар. лазим тир чкадал. Нубат атай чкадал кичӀени хьана, жуван чан гана кӀанда. Къ. Къ. КӀири Буба.
* нубат атун гл., куьн, вуч ийидай гл. са карда нубат хьун. Руш пияла пайиз эгечӀна; са арадлай нубат хтулдал атана. Ф. Ирирд юкӀ алай Магьамад пагьливан. Мелез атайбуру хкетар ахьайиз башламишна. Нубат къари дидедин рушал атана. Ф. Далалубегьли. Гила, зи хва, атанва ви нубатар Пай кутадай техилдикни, чӀалакни. А. С. Хцихъ галаз ихтилат. Ам деведин цацар квай ргай яд тир. Гадайри гьарда, вичин нубат атайла, адан кӀуфукай яргъалди сив хкуд тийизвайди акурла, ам анжах Земзем булахдив гекъигиз жедай. А. Къ. Инсандин ажузвал. Са йикъалай, вичин нубат атайла, Исмаил Къизтамаман кабинетдиз гьахьна. Гь. Къ. Къацу цуьквер.