\[шар\] фарс, сущ.; -ци, -це; -ар, -ари, -ара санай масаниз тухудай заланвал авай затӀ(ар). # залан ~, кьезил ~; ~ ичӀерун, ~ эцигун, ~ артухарун. И касдин вилик са лам ква, вичелни зурба пар ала. Ф. Далалубегьли. Къуьнел квар алай рушар акурла, гьейран жемир абурал, гадаяр. Гьаятриз яд чӀугуникай фикир ая. «Кварце яд къайиз амукьда» лугьузвани куьне? Аваз хьурай кварар кӀвалера, кӀандайда яд хъурай. Анжах жуван дидедин, жуван сусан; жуван рушан къадир авай касди дишегьлийри ихьтин залан пар ялуниз рехъ гана кӀанзавач эхир. С. К. Квар. Ваз гьикьван пул кӀан жеда, Дербентдай Штулиз пар хутахиз? - За гьикьван лугьун, кӀвал къени хьайи стха, арабадиз ядай парциз килигна. - Лап залан пар ягъайла, вини кьил гьикьван кӀан жеда? - Вини кьил вад манат... С. Гь. КӀири Буба. Синоним: йуьк.
* пар квай гаф сущ. цӀалцӀам ва маналу гаф.
* пар чӀугвадай машин сущ. заланвал авай затӀ(ар) тухудай машин. Чун Белиждай Ахцегьиз пар чугвадай машиндаваз хьфизвай. ЛГ, 1992, 31. Х.
* пар ягъун гл., ни квез улакьда пар эцигун.