фарс, сущ.; -ди, -да; -яр, -йри, -йра партал цвадай материал. # кушун ~, памбаг ~, пекдин ~, сун ~; вили ~, къацу ~, чулав -~, шуьтруь ~, яру ~; векъи ~, михьи ~, хъуьтуьл ~; ~ къачун, ~ хурун, ~ алцумун; Наши парча, кими либас гъиз тахьуй. Е. Э. Къавумдиз. Парчадиз - гьар ранг, Пурариз - уьзенг, гьар мектебдиз - зенг, Гъуьрчехъандиз - тфенг ХупӀ ярашугъ я. С С. Квез вуч ярашугъ я. Амай крар гьич, бес туьквен, ана авай парчайриз ва амай шейэриз вуч ийин? А. И. Самур. - Школадиз ахьайнавай пулунихъ къе парчаяр къачузва, бахди заз вичи шалвар йифизни куьдалда... М. Б. Зун кьенвач. Кьилел лацу парчадин титих, вилерални руквадикай хуьдай айнаяр алаз, балкӀандал хьиз, яргъи къванцин кӀула акьахнавай Абас лап гьа мотоциклистдиз ухшар тир. М. В. Гьарасатдин майдандал.
* парчадиз юкӀ ягъун гл., ни парча юкӀуналди (метрдалди) алцумун. Парчадиз юкӀ ядайла, ада акӀ чӀугвадай хьи, пуд юкӀ парчадикай ахпа жериди кьве юкӀни зур тир. З. Э. Рекьер сад туш.