посл. 1) са нин куьн ятӀани мукьув. Чарпайдин патав халича экӀяна, юкьвал самовар, стаканар ва нисини фу эцигнавай. А. Ф. Бубадин веси. Гьар сеферда ам, дустагъдин патав атайла, гьал дегиш жез, вучатӀани лугьуз кӀанз мазлум хьиз, рикӀе гаф амаз, хъфидай. А. И. Самур. Амма Инкъилабдилай вилик везият маса жуьре тир. Къуба шегьердин патав лезги хуьрер гзаф авай. М. М., Лезги тӀвар алатӀа_ Аламат жедай кар тир, фашистри чал гьужум авур кьвед лагьай йисан гатфарин кьиляй багъри маканривай хьайи чи хуьруьнвиярни а вацӀуз мукьва авай хуьруьз куьчарнай; вични ракьун рекьин патав гвайди тир.,. Т. А. Мехъер куьтягь тахьанмаз. 2) са вуж-вуч ятӀани авай чкадиз (ам акун мураддалди). - Яраб, чан балаяр, - лагьана дидеди, -малла Мегьамед-Эфендидин патав фейитӀа, чав са кьве рипе техил вугудач жал? А. Ф. Бубадин веси. Сувар, дидедиз гъанвай савкьватарни къачуна, Агьмедахъ галаз вичин дидедин патав фена. А. И. Самур. - Ажеб хьана началъншдин патав зун фена. Т. А. Мехъер куьтягь тахьанмаз. Синонимар: кьилив, мукьув.