гл., ни вуч; -да, -на; -из, -зава: -а, -ин, -рай, -мир; туькӀуьр авун, туькӀуьр тавун, туькӀуьр тахвун, туькӀуьр хъийимир 1) са затӀ арадал гъун (фикирдалди, гафаралди ва я кьуватдалди). РикӀ тешвишда - гъамлу чӀалар туькӀуьриз... Е. Э. Шеда зун. Сулеймана сифтени-сифте туькӀуьрай чӀал «Билбил» я. М. М. Гь. ЧӀехи шаир. Чаз Сулеймана,; азербайжан чӀалал шиирар туькӀуьриз алахъунин тежрибадикай рахаз кӀанзава. М. М. Гь. СтӀал Сулеймана азербайжан чӀалал тькӀуьрай шиирар. Хпеж Къурбана чайдикай са чӀал туькӀуьрна. М. М. Гь. Халкьдин шаир. И калубдалди (муьжуьд гьижа аваз. – А. Г.) СтӀал Сулейманан, Хуьруьг Тагьиран, ШагьЭмир Мурадован ва хейчин маса шаиррин чӀалар туькӀуьрнава. А. А. Лезгийрин литературадин сифте кьилер. Бязи ксариз тарихда хьайи крарикай хуш кьвезвач. Абурухъ тарих чпиз кӀандайвал туьхкӀуьрдай ният ава. М. М. За нин бахт чуьнуьхна.... залай вилик алатай ханариз килигайла зун регьимлу тирди, жуван ханлухдин векилар патал муькъвер, рекьер туькӀуьриз алахъайди я лагь. Халкь гъавурда тур. С. Ярагъви ашукь Уьзден. Абуру тади гьалда аялдиз герек документар, справкаяр чпи туькӀуьрна, аялдиз пособие тайинарна. Н. Шихнабиев. Хъсан хабарар. 1762 - йисуз Мегьамедан хва Мегьамед Куьревиди "Вафия Шарх Шафия» тӀвар алай арабрин грамматикадин ктаб туьхкӀуьрнай. "Самур" газ., 2004, 28. VӀӀ. Синонимар: расун, теснифун, тешкилун, яратмишун. 2 ) вуч нелди-квелди са вуч ятӀани тайин терефдихъ элкъуьрун. - Ингье, - гъил туькӀуьрна, -им зи багъ я. Имни ваз ацукьдай кӀвал, - лагьана багъдин къерехда авай къазма къалурна. 3.3. КУТВ-диз фена. Селим, кьве вилни кьве хилен тфенгдин луьлеяр хьиз Алиман сивел туькӀуьрна, яб гуз гьазур хьана. Н. Шихнабиев. Хъсан хабарар.
* кӀвач-кьил авун \[туькӀуьрун\].