сущ.; -и, -а; ар, -ри, -ра Кьуна вацӀай кӀизрияр, ТӀямлу тӀуьн гьазурда. А. С. Агь, тӀебиат. ЧӀехи буба тӀуьнал рикӀ алай итим тир... З. Р. Зи уьмуьрдин шикилар. КӀвалерин иесиди вичин шкьакьвиляй устӀардиз гзаф вахтара бегьемсуз, яван тӀуьн гуз хьана. Ада гьар сеферда тӀуьн недайла, устӀардин вилик, кӀвалин пипӀе авай гетӀедай акъудиз, шур эцигзавай. С. Муслимов. ЦицӀигъ-наме.
* тӀуьн-хъун гл., ни низ-квез яшамиш хьун патал недай-хъвадай шейэр. ТӀуьн-хъун, алукӀун хтӀунун къведай са чкани авачир. А. Ф. Риза. ТӀуьнар- хъунар гьамиша хьиз яргъал фенач, З. Р. Гьажи Давуд. ТӀуьн- хъунни хкудайла, гъилиз хтайди шигьи-бистӀи хьана. З. Э. КУТВ-диз фена. Хваш-беш авурдалай гуьгъуьниз, кайваниди суфрадал тӀуьн-хъун гъана, чна суьгьбетар ийиз башламишна. С. Зи Сулейман.
* тӀуьр-туьтӀуьр рах., сущ. тӀуьр затӀар. \[Зарлишан\]. Хтана ахгакьни тавунмаз ксуз гьазур жезвани? Фейи чкайра тӀуьр-туьтӀуьр ваз гьалал хьуй, акур-такурдакай чаз ахъая. Н. И. Гьакимрин папар.
* тӀуьрдалай хъинезмайди хъсан я мисал 'хьайи хъсанвилелай жезмайди хъсан я' манадин мисал.