гл., ни; -неда, тӀуьна: -нез, -незва; неъ, нен, тӀуьрай, немир; тӀуьн тавун, тӀуьн тахвун, тӀуьн хъувун тавун 1) вуч сараралди жакьвана къенез, руфуниз ракъурун. Фу-затӀ тӀуьрдалай кьулухъ, ида къаридивай жузуна: "Чан къари-диде, куь шегьерда вуч цӀийи хабар ава?" Ф, Гьуьлуьн руш. ТӀуьртӀа, нез жеч, чан кӀватӀаш, ТуртӀа, таз жеч, чан кӀватӀаш. Ф. КӀватӀаш. "Неъ, неъ!" - лагъана. Ф. Къах туьна куьтягьна каци. Е. Э. Къах тӀуьр кац. - Валлагь. къужа, хуьрек ийиз хьанач: як вири каци туьна. И. В. Чирхчир. ТӀуьна кӀанда, тӀуьна! Са бадидавай чӀемни тӀуьн тавур аялдикай гьихьтин жегьил хьурай: ". З. Р. Зи уьмуьрдин шикилар. - Абур къуьнерихъ кӀуртарни галачиз гъвечӀи, амма винел гьар са нямет алай суфрадихъ ацукьнава ва абуру аста-аста нез-нез, хъваз-хъваз ихтилатарзавай. З. Р. Гьажи Давуд. ТӀуьрди тӀуьна, туьтӀуьрдини Чилиз фида эхирдани. Х. Х. Тутар... А йисара, пагь, заз гьикьван Рекьизвайбур акуна, Гьафтейралди тӀуьн тавуна, ИчӀи руфун дакӀуна. М. Б. Чавуш. Айшади, Аллагь адалай рази хьурай, Расул Аллагъди, алейк ассалам лугьудай: "Фу нез башламишдатӀа Аллагь Тааладин тӀвар рикӀел гъваш. Эвел кьиляй "бисмиллагь" лугьуз рикӀелай алатайтӀа, фу тӀуьна куьтягь хьайила лагь: "Бисмиллагьи аввалагьу ва ахирагьу" ( эвелдайни эхирдайни Аллагьдин тӀвар рикӀел алаз" ). Диндикай суьгьбетар || "Самур" журн., 1994, 3. Хуьрек недайлани, чай хъвадайлани, ам вири азарлуйрихъ галаз санал жедай. А. Э. Шаирдин тарсар. Мад куьне хъинезмач кьван. А. Р., Я. Я. Хендедадин мехъер. 2) масадан затӀ жуваз тайинарун, къачун, - ТӀуьрбурни квез бегенмиш туш, нен тийидайбурни. А. А. Лезгияр. 116 гектар бегьер гузвай жегьил уьзуьмлухар хкудна, анра къуьл, мух цана. Уьзуьмлухра авай кьван пасенкаяр, ракьун тӀваларни, симерни маса гана, пулар тӀуьна. ЛГ, 2005, 14.1 V. Савхуз амайла, биргадирри недай чӀавуз ви бубадилай са затӀни алакьайди туш. Ж. Гь. Юргъадилай гуьгъуьниз.
* недай хъчар сущ. лезгийри фахъ галаз ва я кьилдин хуьрек авуна, афар чрана недай хъчар. Недай хъчарикай садбуруз тегьмезханар, масадбуруз лурсар, пуд лагьайбуруз кудай хъчар бегенмиш я. Р.
* нез-хъваз хьун гл., вуж гьамиша ада гъиз, чна нез-хъваз жедайди туш. Ф. Кесибдин хва Къагьриман.