прил. 1) са дидединни бубадин. Хьана-хьанач кьван са къарини къужа. И къаридизни хьана сад хайи руш, сад тахай руш.. Ф. КӀватӀаш. "Чан буба, хкидатӀа, чи къунши паб хкваш, адаз зун вичин хайи руш кьван кӀанда, тахьайтӀа, садни герек туш". Ф. Бибихатун. \[Эфенди\] - ГьикӀ я вуч лагьай гаф я, хайи миресар гьикӀ жедайди я. Гьич тахьайтӀа буба кьейидалай кьулухъ за адаз кӀуьд йисуз фу гана. Гь. Гь. Колхоз. Антоним: тахай. 2) гъвечӀи чӀавалай жуванди тир. Хайи хуьруьз гьикӀ хъфида, рикӀиз кӀани яр авачир? Ф, Заз чилерни михьи я гьа цавар хьиз, Амма бязи кӀвалахри зун пертзава,3а хайи чил кьазва жуван сувар хьиз... А. Мут. КӀанда заз. Хайи халкьдиз рикӀин сидкьидай къуллугъ авур Р. Шихсаидова гзаф лезги хуьрера сифте яз духтурханаяр, фельдшервилинни акушервилин пунктар кардик кутунай. "Самур" газ., 2002, 19. ӀӀӀ. Хайи ватан дагълар тирла, Гьинай гьин ваз дуьзенар?! С. Рази я зи Ватандал. Милли мектебра дидедин чӀал ва литература чирзавай гьалди гзаф инсанрик къалабулух кутазва: алимри, муаллимри, диде- бубайри чпин фикирар лугьузва, хайи чӀал хуьн истемишзава. ЛГ, 2005, 21. VӀӀ. Антоним: тахай
* хайи-текьей сущ. тайин са чкадин шад ва туькьуьл хабар(ар). Седефаз кьуншиди хуьре хайи- текьейдакай ихтилат авуна лагьана: са шумуд юкъуз чандик хьайи Бажини кьена. З. Э. Муькъвел гелер.
* хайи чӀал сущ. гъвечӀи чӀавалай жув рахазвай чӀал. Хайи чӀалав хайиди хьиз агата. С. К. Редактордин гаф.; - Хайи чӀала са шумуд чӀалан гафар кутуна рахазвай инсандин къилихар бегьембур туш, - лугьуда кьил акъуддай ксари. "Самур" газ., 2003, 27. ӀХ.
* хайи югъ сущ. дидедиз хьайи югъ. Хизанди Мислим хайи югъ къейдзавай. Межлис лап шаддиз, гурлудаказ кьиле физвай чӀавуз бирдан лархъ авуна ракӀар ахъа хьана. А. М. Тархсиркар вуж я? Инсан хайи югъ хизандин сувар яз кьабулдай адет алай вахтунда лезгийрин, яхулрин, агъулрин, лугьун хьи, вири халкьарин арада гегьеншдиз чкӀанва. А. Гуьлмегьамедов. Именинник ва мевлид. Синоним: дидедиз хьайи югъ.