гл.; -да, -на; -из, -зава; -0, -ин, -рай, -мир; 1) са куьн ятӀани винел алайди аламачир гьалдиз гъун. Вядед кьванни хуьр элягъа, Белки чаз масанал туькӀуьн. С. С. Кавхадиз. 2) кӀвалахдикай азад авун. Чпин хуьре, дяве куьтягь хьайи сифте йисуз хуьруьн Советдин седри адан кьисасчийри еке амалдалди кӀвалахунилай элягъиз тунай. А. А. Лезгияр. ☼ 1960 - йисаралди элягъа ва эля ( кил.: М. Г. ЛЧЮС, 1955), 1964 - йисуз элягъа ( кил.: М. М. Г., Р. И. Г., У. А. М. ЛЧЮС, 1964), 1989 - йисалай инихъ эля ( кил.: М. М. Г., Р. И. Г., У. А. М. ЛЧЮС, 1989, 2001) норма яз кьабулнава.
* гъил элягъун, капӀ элягъун, кьил элягъун, сивел фу элягъун, чем элягъун, яб элягъун.
* элягъиз къачун гл. са никай-квекай ятӀани хъел кваз, адаз акси къаст кьилиз акъудиз алахъун. Генералди вич гъикьван элягъиз къачуртӀани, адаз дагъвийрин гъвечӀи кӀеретӀрихъ галаз женг тухун четин тир. М. М. Пачагьдик къалабулух кутур женг.
* элягъун-телягъун сущ. гзаф алахъун(ар). ГьикӀ хьайитӀани рекьидайди я... Жува и дуьньядилай хутахдайдини анжах кьве юкӀ лацу агъ я. Гьа и кьве юкӀ патал икьван элягъун-телягъун тавуртӀа жедачни? А. А. Лезгияр