1. Əkmək, sancmaq. Ağac basdırmaq. Dirək basdırmaq.
– [Fəxrəddin:] Çox pakizə … sübh tezdən hamısını basdıraram.
2. Quyulamaq, torpağa gömmək. Ölü basdırmaq.
– Biz onu [Azadı], öz vəsiyyətinə görə, uca bir yerdə basdırdıq.
[Nəsib kişi:] Yeddi uşaqdan üçünü basdırmışam.
3. Üstünü örtmək. [Sübhanverdizadə] yerə uzanıb yastığa söykəndi.
Nemətullayev onun yan-yörəsini basdırdı.
// Məc. mənada. Cinayətin üstünü basdırmaq.
// Torpağın altında gizlətmək.
…Veylabad şəhəri elə bil dəyişmişdi, hərə bir tərəfə qaçıb dağılmaqda idi … Sərvətlilər qızıllarını basdırırdılar.
4. Qatlayıb tikmək. Paltarın ətəyini basdırmaq.
5. Dişi heyvanı erkək heyvanla cütləşdirmək.
6. Cücə çıxartmaq üçün yumurtaları kürt toyuğun altına qoymaq.
7. Otarmaq, tapdalatmaq, əzdirmək. Əkini mal-qaraya basdırmaq.
8. köhn. Dərc etdirmək, çap etdirmək.
İlk şerimi – məktəbimin qəzetində basdırdım.