BOQ

Yun Son-Bo (d. 9 avqust 1960) — Cənubi Koreyanı təmsil edən həndbolçu. Yun Son-Bo Cənubi Koreya yığmasının heyətində 1984-cü ildə Los-Anceles şəhərinin ev sahibliyində baş tutan XXIII Yay Olimpiya Oyunlarına qatıldı. Qrup mərhələsində baş tutan beş oyunun birində məğlub olan Cənubi Koreya yığması, Los-Anceles Olimpiadasını 2-ci yerdə başa vurdu və gümüş medal qazandı.

Aleksandr Boqosyan (erm. Ալեքսանդր Բողոսյան) - Efiopiya ermənilərindən olan rəssam və incəsənət müəllimi. Rəssamlıq və incəsənət fəaliyyət ilə əsasən Amerika Birləşmiş Ştatlarında olduğu dövrdə məşğul olmuşdur. Afrika qitəsindən çıxmış və ağ-qara mövzularda tablolar çəkmiş rəssamlar arasında ən tanınmışlardandır.

Anatoli Boqdanov (1896 – 20 sentyabr 1918) — dövlət xadimi, 26 Bakı komissarından biri. == Həyatı == 1917-ci ildə yaranan Bakı kommunasında xidmətçi. Anatoli Boqdanov 1918-ci ildə ingilislər tərəfindən güllələnib.

Hamfri Boqart (ing. Humphrey Bogart;25 dekabr 1899 - 14 yanvar 1957) - məşhur ABŞ aktyoru.Hamfri Boqart AFI (The American Film Institute) tərəfindən bütün zamanların ən yaxşı aktyoru seçilmişdir.3 dəfə Oskar mükafatına namizəd olsa da ,bunlardan yalnız birində - "The African Queen " filminə görə 1951-ci ildə mükafatı qazanmışdır. == Həyatı == Bogart 1899-cu ilin Milad günü, Belmont DeForest Bogart (1867-1934) və Maud Humphrey (1868-1940)nin ən böyük uşağı olaraq Nyu-York şəhərində anadan olub. Belmont, Canvanigua, New York xanımı və həyat yoldaşı Julia, zəngin bir heyress olan Adam Watkins Bogart'ın bədbəxt evlənməsinin yeganə uşağı idi. "Bogart" adı Hollandiyanın "Bogaert" soyadından gəlir. == Filmoqrafiya == == Sitatlar == Rəvayətə görə Hamfri Boqart ölümündən öncə bu sözləri demişdi: Əsla Viskini Martiniyə dəyişməməliydim.

Jozefina Boharne (fr. Joséphine de Beauharnais, Fransızca tələffüz: [ʒo.ze.fin də‿bo.aʁ.nɛ]) və ya Mari Jozef Roz de Taşer de la Pajeri (fr. Marie-Josèphe-Rose de Tascher de La Pagerie; 23 iyun 1763[…] – 29 may 1814[…]) — 1804–1809-cu illərdə Fransa imperatriçası və Napoleon Bonapartın birinci arvadı. == Həyatı == Mari Jozef Roz de Taşer de la Pajeri (Jozefin onu Napoleon Bonapart əzizləmək məqsədilə adlandırmışdır) dənizçi zabit Jozef Qaspard de Taşerin, şəkər qamışı plantasiyasına malik xırda mülkədar ailəsinin qızı olan Roze Kleyr des Ver(j/c)er de Sanno ilə nikahından Martinik adasında ikinci qızı olaraq dünyaya gəlmişdir. Uşaqlığını Martinikdə keçirən Mari Jozef Roz de Taşer de la Pajeri 1773 cü ildən Fort de Fransda qızlar pansionatına gedir və 13 dekabr 1779 cu ildə fransız ordusunun zabiti Vikomt de Boharne ilə evlənir. Bu nikahdan iki övladı: Yevgeni (Ejen) de Boharne və Hortenziya de Boharne dünyaya gəlir. 1794 cü ildə əri terrorun qurbanı olur. Tək qalan Mari Jozef Roz de Taşer de la Pajeri uşaqları ilə Martenikə dönməyə məcbur olur. Lakin siyasi mühitin yumşalmasından sonra təzədən Fransaya dönməyə qərar verir. 9 Trimador çevrilişindən sonra yaxın dostu Barras Polun köməyi və dəstəyi ilə o zamanlar az tanınan general Bonapartla tanış olur və 9 mart 1796 cı ildə onunla nikaha girir.

Jozefina Boharne (fr. Joséphine de Beauharnais, Fransızca tələffüz: [ʒo.ze.fin də‿bo.aʁ.nɛ]) və ya Mari Jozef Roz de Taşer de la Pajeri (fr. Marie-Josèphe-Rose de Tascher de La Pagerie; 23 iyun 1763[…] – 29 may 1814[…]) — 1804–1809-cu illərdə Fransa imperatriçası və Napoleon Bonapartın birinci arvadı. == Həyatı == Mari Jozef Roz de Taşer de la Pajeri (Jozefin onu Napoleon Bonapart əzizləmək məqsədilə adlandırmışdır) dənizçi zabit Jozef Qaspard de Taşerin, şəkər qamışı plantasiyasına malik xırda mülkədar ailəsinin qızı olan Roze Kleyr des Ver(j/c)er de Sanno ilə nikahından Martinik adasında ikinci qızı olaraq dünyaya gəlmişdir. Uşaqlığını Martinikdə keçirən Mari Jozef Roz de Taşer de la Pajeri 1773 cü ildən Fort de Fransda qızlar pansionatına gedir və 13 dekabr 1779 cu ildə fransız ordusunun zabiti Vikomt de Boharne ilə evlənir. Bu nikahdan iki övladı: Yevgeni (Ejen) de Boharne və Hortenziya de Boharne dünyaya gəlir. 1794 cü ildə əri terrorun qurbanı olur. Tək qalan Mari Jozef Roz de Taşer de la Pajeri uşaqları ilə Martenikə dönməyə məcbur olur. Lakin siyasi mühitin yumşalmasından sonra təzədən Fransaya dönməyə qərar verir. 9 Trimador çevrilişindən sonra yaxın dostu Barras Polun köməyi və dəstəyi ilə o zamanlar az tanınan general Bonapartla tanış olur və 9 mart 1796 cı ildə onunla nikaha girir.

Ksente Boqoyev (Makedon dili: Ксенте Богоев; d. 20 Noyabr 1919, Strumitsa - ö. 20 Aprel 2008, Skopye) — Yuqoslaviyalı iqtisadçı, professor və 1968-1974-cü illər aralığında Makedoniya Sosialist Respublikasının İcra Şurasının sədri. == Haqqında == Ksente Boqoyev iqtisadiyyat üzrə təhsil almışdır və doktorluq dissertasiyasını Belqradda tamamlamışdır. Skopye Universiteti İqtisad Fakültəsi dekanlığı və daha sonra eyni universitetin Rektorluq vəzifəsini icra etmişdir. 1945-1952 illəri arasında Maliyyə naziri müavini vəzifəsinin icra edən Boqoyev 1977-ci ildə Yuqoslaviya Milli Bankı başçılığı vəzifəsinə gətirilmişdir. Ayrıca 1992-1997 illəri arasında Makedoniya Elm və İncəsənət Akademiyasına rəhbərlik etmişdir. Boqoyev maliyyə, pul nəzəriyyəsi, iqtisadi siyasət kimi sahələrdə 250 elmi məqalə müəllifi olub, mövzuyla əlaqədar bir çox mükafatın da sahibi olmuşdur.

Maksim Adamoviç Boqdanoviç (belar. Максім Адамавіч Багдановіч, 9 dekabr 1891, Minsk — 25 may 1917, Yalta) — Belarus şairi, publisisti, ədəbi tənqidçisi və tərcüməçisi. Maksim Boqdanoviç Belarus ədəbiyyatının qurucularından biri sayılır. == Bioqrafiya == Maksim Adamoviç Boqdanoviç 9 dekabr 1891 tarixində Minsk şəhərində, əhəmiyyətli Belarus etnoqrafı olan Adam Boqdanoviçin ailəsində anadan olmuşdur. 1892-ci ildə ailəsi ilə birlikdə Qrodno şəhərinə köçdü. Çox vaxt keçmədən şairin anası Mariya vərəm xəstəliyindən vəfat etmişdir. 1896-cı ildə Adam Baqdanoviç uşaqları ilə birlikdə Nijni Novqorod şəhərinə köçdü. Bu vaxt ərzində Maksim, Belarus dilində olan ilk şeirlərini yazmışdır. 1902-ci ildə Boqdanoviç bir gimnaziya məktəbinə qəbul edilmişdir. 1905-ci il inqilabı zamanı onun komilitodları tərəfindən təşkil edilən tətillərin fəal iştirakçısı idi.

Nikita Vladimiroviç Boqoslovski (rus. Никита Владимирович Богословский; 9 (22) may 1913, Sankt-Peterburq – 4 aprel 2004, Moskva) — Sovet və Rusiya bəstəkarı, dirijor və pianoçu, SSRİ xalq artisti (1983). Nikita Vladimiroviç Boqoslovski 22 may 1913-cü ildə Sankt-Peterburqda anadan olmuşdur. 1930-cu ildə Leninqrad konservatoriyasının eksternat sinfinə daxil olmuş və 1934-cü ildə orada A. Qlazunovun sinfini müvəffəqiyyətlə başa vurmuşdur. Onun bəstələdiyi musiqilər bir çox məşhur filmlərdə səslənmişdir. "İki döyüşçü", "Qırıcı təyyarələr", "Aleksandr Parxomenko", "Böyük ömür", "Müxtəlif talelər" kimi ekran əsərləri onların sırasına aid edilə bilər. Onun musiqilər bir çox animasiya və sənədli filmlərdə və müxtəlif tamaşalarda da işlədilmişdir. Boqoslovskinin musiqisində o, bir istedadlı bəstəkar kimi öz şəxsi fikirlərini ifadə edirdi. O, 1983-cü ildə SSRİ xalq artisti fəxri adına layiq görülmüşdü. Bəstəkar Nikita Vladimiroviç Boqoslovski 4 aprel 2004-cü ildə vəfat etmişdir.

Nikolay Boqolyubov (10 (22) oktyabr 1899 – 9 mart 1980, Moskva) — sovet aktyoru. Aktyor Yuri Boqolyubovun atasıdır. Uzaq sahillərdə (film, 1958) ""Uzaq sahillərdə" ekranda" [Filmin quruluşçu rejissoru Tofiq Tağızadə yoldaşla müxbirimizin müsahibəsi] //Kommunist.- 1958.- 13 avqust.

Rifkət İbrahimoviç Boqdanov (rus. Рифка́т Ибраги́мович Богда́нов, d. 13 iyun 1950, Mamıkovo, Tatar MSSR — ö. 3 noyabr 2013, Moskva, Rusiya Federasiyası) — Tatar əsilli SSRİ və Rusiya riyaziyyatçısı, fizika-riyaziyyat elmləri doktoru, professor, M.V.Lomonosov adına Moskva Dövlət Universitetinin Skobeltsyn Nüvə Fizika İnstitutunun Nüvə Reaksiyalar Şöbəsinin aparıcı tədqiqatçısı. Rifkət Boqdanov, uzun bir xəstəlikdən sonra 3 noyabr 2013 tarixində, gecə vaxtdı Moskvada vəfat etmişdir. Boqdanovun əsas fəaliyyəti, diferensial tənliklər, qeyri-xətti dinamik sistemlər, bifurkasiya nəzəriyyəsi və diferensial geometriya sahəsində olmuşdur. Версальная деформация особой точки векторного поля на плоскости в случае нулевых собственных чисел. // Тр. семинара им. И. Г. Петровского, вып.

Rodriqo Manuel Boqarin Ximenes (isp. Rodrigo Manuel Bogarín Giménez; 24 may 1997, Asunsyon, Paraqvay) — Paraqvay təmsilçilərindən olan Quarani klubunda yarımmüdafiəçi kimi çıxış edən peşəkar Paraqvay futbolçusudur. Boqarin peşəkar karyerasına Quarani klubunda başlamışdır. O, peşəkar karyerasında debütünü 6 dekabr 2014-cü ildə Paraqvay Premyer Liqasında 3 fevral klubuna qarşı oyunda etmişdir. Boqarin ilk qolunu 21 fevral 2015-ci ildə Quarani klubu ilə Sportivo San-Lorenso klubuna qarşı oyunda vurmuşdur. 2016-cı ildə Boqarin klubu ilə Paraqvay çempionu olmuşdur. 2017-ci ildə Boqarin Paraqvayın gənclərdən ibarət milli komandası ilə Ekvadorun ev sahibliyi ilə keçirilən Cənubi Amerika Gənclər Çempionatında iştirak etmişdir. Turnirdə Boqarin Kolumbiya, Çili, Braziliya və Ekvador milli komandalarına qarşı oyunlarda meydana çıxmışdır.

Solomon Boqdanov (1888 – 20 sentyabr 1918, Türkmənistan) — dövlət xadimi, 26 Bakı komissarından biri. 1917-ci ildə yaranan Bakı kommunasında hərbi-inqilab komitəsinin üzvü. Solomon Boqdanov 1918-ci ildə ingilislər tərəfindən güllələnib.

Svetlana Boqdanova (d. 3 sentyabr 1976) — Rusiyanı təmsil edən su poloçusu. Svetlana Boqdanova, Rusiya yığmasının heyətində 2004-cü ildə Yunanıstanın Afina şəhərinin ev sahibliyində baş tutan XXVIII Yay Olimpiya Oyunlarında mübarizə apardı. Beşinci pillə uğrunda görüşdə Macarıstan yığmasını 12:11 hesabı ilə məğlub edən Rusiya yığması, Afina Olimpiadasını beşinci pillədə başa vurdu.

İvan Vasili oğlu Boqdanov (2 may 1924, Novosaratovka, Gədəbəy rayonu – 10 noyabr 2002, Aşqabad) — İşçi-kəndli Qırmızı ordunun baş çavuşu, Böyük Vətən Müharibəsi iştirakçısı, Sovet İttifaqı qəhrəmanı (1944). İvan Boqdanov 2 may 1924-cü ildə Gədəbəy rayonu Novosaratovka kəndində kəndli ailəsində anadan olmuşdur. Natamam orta təhsil aldıqdan sonra Türkmənistan SSR-nin Aşqabad vilayətindəki kolxozda traktorçu işləmişdir. 1942-ci ildə işçi-kəndli Qırmızı Orduya hərbi xidmətə çağırılmışdır. 1943-cü ilin may ayından Böyük Vətən Müharibəsində ön cəbhədə xidmətə başlamışdır. Belorusiya SSR-nin azad olunmasında igidliyi ilə seçilmişdir. 28 iyun 1944-cü ildə döyüşdə ağır yaralanmışdır, amma döyüş ərazisini tərk etməmişdir. SSRİ Ali Sovetinin rəyasət heyətinin 18 noyabr 1944-cü il qərarına əsasən ona Sovet ittifaqı qəhrəmanı, Lenin orderni və Qızıl ulduz medalı verilmişdir. Ağır yaralandıqdan sonra Boqdanov ordudan tərxis edilmişdir. Aşqabad şəhərində yaşamışdır.

"Wars for Nothing" (azərb. Müharibələr boş yerə‎) — Macarıstanlı ifaçı Boqlarka Çəmər Boqqinin(Səhnə adı ilə sadəcə-Boqqi), akustik gitara ilə müşayiət edilən həzin sülh mahnısı. Macarıstan Avroviziya Mahnı Müsabiqəsinin 60 illik ildönümündə, məhz bu ballada ilə təmsil olunmuşdur. Müxtəlif coğrafiyalardakı qaynar nöqtələrin mövcudluğunu, ölkələrarası bitmək bilməyən fəlakətli müharibələri "Səbəbsiz savaşlar" kimi tanımladan mükəmməl musiqi əsərinin sözləri Şara Hilin Bori, bəstəsi isə Aron Sebastyan və ifaçının özü tərəfindən ərsəyə gətirilmişdir. Boqqi sülhə çox ümidsizdir və dəhşətli faciələrin qurbanı olan uşaqları isə, "Ulduzlara qovuşanlar" kimi səciyyələndirir. Macarıstanın milli seçim yarışması olan A Dal-ın, 28 fevral 2015-ci il tarixində baş tutan sayca dördüncü buraxılışında, Boqlarka Çəmər Boqqinin ifasındakı "Wars for Nothing" balladası qələbə qazanmışdır. Bu, mahnının beynəlxalq arenalarda səslənməsinə şərait yaratdı. Avroviziya Mahnı Müsabiqəsi 2015 "Wars for Nothing" mahnısı, Boqqinin səsləndirməsi ilə, sayca 60-cı Avroviziya Mahnı Müsabiqəsində, ölkəni uğurla böyük finala yüksəltmiş(Daha ətraflı-Macarıstan Avroviziya 2015 Mahnı Müsabiqəsində) və finalın yekun səsvermə nəticələrinə əsasən 19 xal toplayaraq, beynəlxalq yarışmanı 20-ci sırada tamamlamışdır.

Yuri Andreyeviç (rus. Юрий Андреевич) və ya Giorgi, müasir ədəbiyyatda Yuri Boqolyubski (rus. Юрий Боголюбский; 1160, Vladimir – 1190, Tiflis) — 1172–1175-ci illərdə Novqorod knyazı, Tamaranın əri. Andrey Boqolyubskinin kiçik oğlu olmuşdur. Andrey Boqolyubskinin kiçik oğlu olmuşdur. Ola bilsin ki, bir sıra salnamələrdə 1169-cu ildə Kiyevə yürüşün iştirakçıları sırasında adı çəkilmişdir. O, Novqorodda hökmranlıq etmək üçün yerli əhalinin xahişi ilə atası tərəfindən azad edilmişdir. O, 1173-cü ildə novqorodlular, rostovlular və suzdallılar ilə birlikdə Kiyevi tutan Smolensk Rostislaviçlərinin yanına getmişdir. 1174-cü ildə Andrey öldürüləndən sonra novqorodlular Suzdal torpağına gedən Giorgini özlərindən uzaqlaşmışdırdılar. Qardaşı Vsevolod onu 1176-cı ildə Vladimirdən qovmuşdur və bundan sonra rus salnamələrində onun haqqında heç bir məlumat verilməmişdir.

Boqdan Xmelnitski ordeni — 1943-cü ildə təsis olunmuş SSRİ ordeni.

Boqumil Şveliya (a.sorb Krystijan Bogumił Šwjela, alm. Christian Gotthold Schwela‎; 5 sentyabr 1873 – 20 may 1948) — Sorb yevangelist keşişi, leksikoqraf, dilçi, publisist, uzun müddət Macierz Luzickanın sədri və Domovinanın həmtəsisçisi. == Bioqrafiya == Boqumil Şveliya 5 sentyabr 1873-cü ildə Drebkau şəhəri yaxınlığındakı Şorbus kəndində sorb ictimai xadimi Kito Şvelinin ailəsində anadan olmuşdur. 1896-cı ildə sorb gimnaziyasının şagirdləri üçün "Skhadzovanka" adlı XXII gənclərin yay düşərgəsi-festivalını təşkil etmişdi. 1898-ci ildə Lüteran seminariyasında teoloji təhsilini tamamladı. 1904-cü ildən o, Kottbusdakı vend kilsəsində kurat kimi çalışdı və burada müntəzəm olaraq Aşağı Sorb dilini təbliğ etdi. Onun təyin edilməsi Prussiya hakimiyyəti tərəfindən sorb dili və mədəniyyətinin sıxışdırılmasının ən yüksək həddə çatdığı bir vaxta təsadüf edirdi. 1891-ci ildən yaranmış milli şüurlu Gənc Sorb hərəkatının bir hissəsi kimi hiss edən Şveliya bu əlverişsiz şəraitdə sorbların mədəni maraqları ilə intensiv şəkildə məşğul olurdu. Şveliya 1908-ci ildə şəhəri tərk etməli oldu, çünki o, yalnız alman dilində dualar oxumaqdan imtina etdi. Daha sonra 1913-cü ildə Dissendə pastorluğu qəbul etməzdən əvvəl bir neçə il Nochtendə vikar kimi çalışdı.

Peter Mixal Boqun (slovak. Peter Michal Bohúň) — Slovak rəssamı, portret ustası. O, həmçinin mənzərə və qurbangah çəkməsi ilə tanınır. Lüteran keşişinin ailəsində anadan olub. Peter öz kəndindəki dövlət məktəblərinə gedir, sonra Qemerska Qorkadakı gimnaziyada oxuyur. 1836-cı ildə Levoçadakı yevangelist seminariyasına daxil olur. Məhz orada o, ilk dəfə Slovakiyanın müstəqilliyi ideyası ilə qarşılaşır, bu ideyanı həvəslə qəbul edir və özünə Slavomil ləqəbini qazanır. Siyasi iğtişaşlar səbəbindən Macarıstan hökuməti 1841-ci ildə seminariyanı bağlayır, ona görə də Kejmarok şəhərinə köçür və burada hüquq təhsili alır. Boş vaxtlarında rəsm çəkməyə başlayır. 1843-cü ildə rəssam olmaq qərarına gəlir və Praqadakı İncəsənət Akademiyasına daxil olur.

Şmeral Boqumir — (25.10.1880, Trşebiç-8.05.1941, Moskva) Çexoslovakiya və beynəlxalq fəhlə və komunist hərəkatı xadimi. Hüquq doktoru (1904). 1897 ildən Çexoslovakiya S.-D. Fəhlə Partiyasının (ÇSDFP) üzvü; 1914-1917 illərdə ÇSDFP-nin sədri olmuşdur. Çex torpaqlarında Oktyabr ümumi siyasi tətilinin (1918) təşkilatçılarından biri idi. 1920 ildə Sovet Rusiyasında olmuş, V.İ.Leninlə görüşmüşdür. “Sovet Rusiyası haqqında həqiqət” kitabında (1920, Praqa) Böyük Oktyabr sosialist inqilabının beynəlxalq əhəmiyyətini göstərmişdir. Ş. Çexoslovakiya Kommunist Partiyasının (ÇKP;1921) bani və rəhbərlərindəndir. 1920-1929 illərdə Milli məclisin deputatı, 1935-1938 illərdə senator olmuşdur. 1922-1935 illərdə Kominternin İçraiyyə Komitəsinin və onun Rəyasət Heyətinin, 1935 ildən isə Kominternin Beynəlmiləl Nəzarət Komissiyasının üzvü idi. 1938 ildə ÇKP MK-nın qərarı ilə ÇKP-nin rəhbər mərkəzində işləmişdir.

Boqatıryov Aleksandr İqoreviç (rus. Богатырёв Александр Игоревич, 24 oktyabr 1993, Bakı) — rus əsilli Azərbaycan idmançısı və sahibkar. Su polosunda dəfələrlə beynəlxalq turnirlərin qalibi və respublika çempionu, mobil hücumçu. "Partner Group AZ" tikinti şirkətinin və Partner Group Baku su polosu klubunun rəhbəri. O, uzun müddət Bakının MOİK klubunda çıxış edib. Hazırda isə "Partner Group Baku" klubunda çıxış edir. 2008–2015-ci illərdə su polosu üzrə Azərbaycan milli komandasının üzvü olub. Həm klubda, həm də millidə 2 nömrəli forma ilə çıxış edib. O, daha əvvəl Azərbaycanın gənclərdən ibarət yığmasında da çıxış edib. == Təhsil və iş == 1999–2010-cu illərdə Bakı şəhəri 275 saylı orta məktəbdə təhsil alıb.

Kseniya Leonidovna Boguslavskaya və ya Ksana Boguslavskaya-Puni (rus. Ксе́ния Леони́довна Богусла́вская; 24 yanvar (5 fevral) 1892[…], Odessa, Xerson quberniyası – 3 may 1972[…], Erble) — Rus rəssamı, qrafika rəssamı, teatr rəssamı və dizayneri. İvan Puninin həyat yoldaşı. Puninə hərtərəfli dəstək olmuş və onun yaradıcılığını populyarlaşdırmaq üçün çox işlər görmüşdür. == Həyatı == Kseniya Leonidovna Boqoslovskaya 24 yanvar 1892-ci ildə Odessada anadan olub. Atası Leonid İvanoviç Boqoslovski, anası isə peterburqlu Vera Fedorovna Boqoslovskaya idi. Kseniya 1899-cu ildə anası və böyük qardaşı ilə birlikdə Kvantun yarımadasında xidmət edən atasının yanına gedib. Ataları dizenteriyadan vəfat etdikdən sonra (22.07.1902-ci il podpolkovnik rütbəsi ilə) ailə Rusiyaya qayıdıb. 1903-cü ilin yayında Kseniya Boquslavskaya qardaşı və anası ilə birlikdə Sankt-Peterburqda məskunlaşıb. 1903–1908-ci illərdə Kseniya Oldenburq şahzadəsi Terezanın qızlar məktəbində (Sankt-Peterburq, Kamennoostrovski pr., 36) təhsil alıb.

Zoya Borisovna Boquslavskaya (rus. Зо́я Бори́совна Богусла́вская; 16 aprel 1924, Moskva) — Sovet və rus yazıçısı, nasir və esseist, dramaturq, ədəbiyyatşünas, sənətşünas. Rusiyada və xaricdə bir sıra mədəni layihələrin müəllifi, Rusiya Federasiyasının əməkdar mədəniyyət işçisi (2019), Rusiya Rəssamlıq Akademiyasının fəxri üzvü. Andrey Voznesenskinin həyat yoldaşı Zoya Boquslavskaya 1924-cü il aprelin 16-da Moskvada anadan olub. Atası Boris Lvoviç Boquslavski (1899-1985), kibernetika və maşınqayırma sahəsində alim, bir sıra elmi əsərlərin, monoqrafiyaların və dərsliklərin müəllifi idi. Anası Emma İosifovna Boguslavskaya isə həkim olub. Zoya uşaq vaxtlarından yaxşı təhsil alıb. İxtisas seçimini onun uşaqlıqdan teatra və ədəbiyyata olan həvəsi müəyyənləşdirib. Hələ məktəbdə oxuyarkən gənc Zoya dram dərnəkləri və ədəbi gecələr üçün mətnlər yazmağa başlayıb. 1948-ci ildə Zoya Boquslavskaya A.V.Lunaçarski adına Dövlət Teatr Sənəti İnstitutunun (GİTİS) Teatrşünaslıq fakültəsini bitirib.

Boqdan Qurdziecki (Fars dilində Bohtam Beg kimi tanınır) (12 aprel 1700-cü ildə vəfat edib) Səfəvilər dövlətində ilk daimi Polşa sakini kimi xidmət edən Gürcüstan əsilli Polyak diplomatı. == Həyatı == Gürcüstanda zadəgan gürcü ailəsində anadan olan Qurdziçmki 1650-ci illərin əvvəllərindən Polşa tacına xidmət edirdi. Soyadı türk və farsların gürcüləri adlandırdığı "Gürcü" sözündən gəlir. O, Səfəvilər dövlətini Osmanlı əleyhinə ittifaqa cəlb etmək məqsədilə Səfəvilər dövlətində Rusiya və Polşanın siyasi və iqtisadi maraqlarını güdən Polşa diplomatik missiyasının rəhbəri kimi İsfahana göndərilmişdi. Bundan sonra Qurdziçki Polşa və Səfəvilər arasındakı diplomatik münasibətlərdə, eləcə də Rus-Gürcüstan qarşılıqlı əlaqələrində mühüm rol oynamışdır. 1700-cü ildə Moskvada vəfat etmişdir.

Denbey (伝兵衛, təq. 1670 – 1714) və ya Dembey (rus. Дэмбэй) – Rusiyada olmuş ilk yaponlardan biri və Rusiyada yapon dili tədrisi ilə məşğul olmuş ilk şəxs. Osakadan Edoya mal aparan gəmisinin fırtınaya düşməsi nəticəsində yanlışlıqla Kamçatka yarımadasına çatmış və Vladimir Atlasov tərəfindən tapılmışdır. Atlasov onun hindistanlı olduğunu zənn etmişdir. Denbey əvvəlcə İrkutska, daha sonra Moskvaya göndərilərək Rusiya çarı I Pyotr ilə görüşmüş, ona Yaponiya haqqında məlumatlar vermişdir. Denbey I Pyotrun göstərişi ilə ruslara yapon dilini öyrətməklə vəzifələndirilmişdir. O, Yaponiyadan xaricdə açılmış ilk yapon dili məktəbində ruslara yapon dilini tədris etmişdir. Həyatının qalan hissəsini Rusiyada keçirmiş, pravoslavlığı qəbul edərək Qavriil Boqdanov adını götürmüşdür. Denbeyin verdiyi məlumatlar Rusiyada birbaşa yapon şəxs tərəfindən alınmış ilk Yaponiya haqqında məlumatlar olmuşdur.