1. Kənarlarından çıxaraq ətrafı basmaq (su haqqında). Kür daşmışdır.
– Bulandı dəryalar, həm daşdı sular; Qaynaqsız bulaqlar çaya dönübdür.
Çaylar daşıb sel olsun; Taxıllar tel-tel olsun.
2. Qabın tutumundan çox olduğuna görə kənarlarından aşıb tökülmək.
Qoyun, quzu bir-birinə qarışar; Qulplu qazanlardan qatıqlar daşar.
// Bərk qaynayaraq köpüb, qabarıb qabın kənarlarından axıb tökülmək (mayelər haqqında). Süd daşır. Samovar daşdı.
3. məc. Bir şeyin çoxluğunu, bolluğunu bildirir (bu mənada çox vaxt “aşıb-daşmaq” şəklində işlənir).
4. məc. Coşmaq, qızışmaq, hiddətlənmək, son dərəcə acıqlanmaq (bəzən “coşub-daşmaq” şəklində işlənir).
Şişman adam coşdudaşdı, ağzı köpüklənərək: – Bu sözün sənə neçəyə mal olacağını bilmirsən, – [dedi]
// Hədəqəsindən oynamaq (göz haqqında).
O həddindən artıq acıqlandı, qan piyaləsinə bənzəyən gözləri daşmağa başladı.