FİKİR
[ər.] сущ. фикир (1. фагьум, кьатӀун; 2. макьсад, ният; 3. фикир (фагьум, веревирд) авунин нетижада арадал атанвай идея; boş fikir буш фикир; 4. чирвилер, билиг; 5. гаф; килигунин тегьер, кьатӀунин тегьер; 6. хурун зигьин, рикӀел аламукьунин, хиялда амукьунин (хиялда хуьз хьунин, хуьз жедай) къуват, алакьун; fikrindən çıxmaq фикирдай акъатун, рикӀелай алатун, хиялдай акъатун; 7. fikrimcə, fikrincə, fikrimizcə, fikrinizcə зи (ви, чи, куь) фикирдалди, завай (вавай, чавай, квевай) хьайитӀа, заз (ваз, чаз, квез) чирвал (чиз); ** fikir aparmaq (götürmək) фикирди тухун (кьун) а) са затӀунин (кардин) гьакъинда фикир авун, фикирдиз фин, фикирун, веревирдун; б) гъалаб акатун; fikir çəkmək фикир чӀугун а) дерт чӀугун, руьгьдин азаб чӀугун, нарагьат хьун; б) гележек патал фикирун, пакаман югъ фикирун, веревирдун; fikir dəryasına qərq olmaq гзаф дерин фикирдиз фин, фикирди тухун; fikir eləmək (etmək) фикир авун а) фикирун, веревирдун, фагьумун; б) са затӀунин фикир чӀугун, къайгъуда амукьун; fikir götürmək фикирди кьун, дерин фикирди тухун, тешвишдиз, нарагьатвилиз себеб хьун; fikir vermək фикир гун, дикъет авун, къайгъуда амукьун; fikir verməmək фикир тагун, яб тагун, япалай авун (тавун), саймазвал авун; fikir yürütmək фикир лугьун, са затӀунин гьакъинда жуван (вичин) цӀийи фикир (гаф) лугьун; fikrə dalmaq кил. fikrə getmək; fikrə getmək фикирдиз фин, фикирун, фагьумун, веревирдун; fikrə qərq olmaq кил. fikir dəryasına qərq olmaq; fikri dəyişmək фикир дегишун, эвелан фикирдилай гъил къачун, маса фикирда гьатун; fikri özündə olmamaq фикир жував (вичив) тахьун, фикирар акахьнавай (чкӀанвай) гьалда хьун; fikrində durmaq фикирдал акъвазун (кил. fikrinin üstündə durmaq); fikrindən daşındırmaq фикирдилай элкъуьрун, фикирдилай гъил къачуз тун, фикир дегишарун; fikrindən daşınmaq фикирдилай элкъуьн, фикирдилай гъил къачун, фикир дегишун; fikrindən dönmək фикирдилай элкъуьн, фикирдилай гъил къачун; fikrindən keçirmək фикирдай ракъурун, хиялдай ракъурун, хиял хьиз рикӀел гъун, карагарун; fikrindən keçmək фикирдай фин а) хиялдай фин, хиял хьиз рикӀел атун, кӀан хьун; б) фикирда гьатун, фикирдай са затӀ кӀан хьун, рикӀяй фин; fikrinə gəlmək фикирдиз атун а) акьулдиз атун, хиялдиз атун, рикӀел атун; б) къарардиз атун; fikrini açmaq фикир ахъаюн (ачухун), фикир лугьун, рикӀе авайбур ахъайна лугьун; fikrini azdırmaq фикир акадарун, какадарун, ягъалмишарун; fikrini çəkmək фикир чӀугун а) къайгъуда амукьун, къайгъу чӀугун, гьакъинда веревирдун; б) нарагьат хьун; fikrini dağıtmaq а) фикир аладарун, дерт (гъам, рикӀ) аладарун; кефияр ахъаюн, шадарун, пис фикирривай яргъазун; б) фикир чукӀурун, фикир акадарун, фикируниз, фикир санал кӀватӀуниз манийвал авун; fikrini dəyişmək кил. fikri dəyişmək; fikrini yayındırmaq фикир акадарун, къастунай садан фикир (дикъет) маса затӀуниз желб авун; fikrinin üstündə durmaq фикирдал акъвазун, гафунал акъвазун, фикирдилай элкъуьн тавун.