KART

is. \[fr. carte\] □ Standart kartlar – bu kartlar maqnit zolağına malik olur. Sözügedən zolaqda bankomat vasitəsilə bank hesabına keçid etməyə imkan verən məlumat saxlanılır; çipli kartlar – bu kartlarda maqnit zolağı ilə yanaşı, mikroprosessor da olur. Mikroprosessorda saxlanan informasiyanın həcmi maqnit zolağında saxlanılan məlumatın ölçüsü ilə müqayisədə 80 dəfə daha çoxdur. Bank hesabı üzrə olan bütün məlumatları bu kartlarda saxlamaq mümkündür; klassik kartlar – standart xidmət növünü nəzərdə tutan bu kartlar istifadəçilərə adi xidmət və kredit xətti təklif edir. Bütün müştərilər üçün xüsusi təyinatla rəsmiləşdirilir; qızıl kartlar – yüksək kredit limitinə malikdir. Hesab xidməti üzrə nisbətən sadələşdirilmiş şərtlər təklif olunur. Malların və xidmətlərin ödənilməsi müqabilində xüsusi təkliflər təqdim edilir; platin kartlar – imtiyazlı kartlar olmaqla yanaşı, həmçinin kart sahibinin yüksək nüfuzundan xəbər verir. Sözügedən kartların üstünlükləri sırasına əlavə xidmət (məsələn, sutka ərzində bank mütəxəssisinə dəstək verilməsi formasında), konsyerj xidməti (taksi çağırılması, soraq məlumatı), xarici ölkələrə gedən zaman təklif olunan əlavə sığorta, mağazalarda alış-veriş edən zaman endirimlər edilməsi daxildir; kobrend kartlar – bonus proqramları (əksər hallarda, aviaşirkət və ya ticarət şəbəkələri) ilə birlikdə istifadəçilərə təqdim olunur. Kartdan xərclədiyiniz məbləğlər istifadəçiyə bonus xallar qazandırır. Onların vasitəsilə bir sıra ütünlüklər əldə etmək mümkündür.