mehmanxana

Mehmanxana, hotel və ya qonaq evi (fr. hôtel) — Başqa yerdən gələn turistlərin və qonaqların müvəqqəti yaşaması üçün xüsusi təhcizatlı otaqları olan obyekt. == Mehmanxanaların təsnifatlaşdırılması meyarları == Mehmanxanalar müxtəlif meyarlara görə təsnifləşdirilir: 1. Komfort səviyyə; 2. Nömrə fondunun tutumu; 3. Mehmanxanaların funksional təyinatı; 4. Mehmanxananın yerləşdiyi yer; 5. Mehmanxananın işləmə müddəti; 6. Qonaqların yeməklə təminatı; 7. Qonaqların qalma müddəti; 8.

Mehmanxana sahibəsi — rejissorlar Lütfi Məmmədbəyov, Ədalət Ziyadxanov və Tariyel Vəliyev tərəfindən 1978-ci ildə ekranlaşdırılmış iki hissəli televiziya tamaşası. Azərbaycan televiziyasında istehsal edilmişdir. Əsas rolları Zərnigar Ağakişiyeva, Rafael Dadaşov, İlham Namiq Kamal, Hamlet Qurbanov, Sadıq İbrahimov, Sevil Xəlilova və Əsgər Məmmədoğlu ifa edirlər. == Məzmun == Film-tamaşada hadisələr Mirondalinanın mehmanxanasında cərəyan edir. Mehmanxana sahibəsi Mirondalina gözəl və ağıllı xanımdır. O bütün müştərilərinə həssaslıq və mehribanlıqla yanaşır. Günlərin birində mehmanxanaya gələn Kavaler Ripovratta öz rəftarı ilə Mirondalinada ikrah hissi oyadır. Mehmanxana sahibəsi Kavalerin eqoizmindən, kobudluğundan möhkəm əsəbləşir və bunun intiqamını almağı düşünür. Beləliklə, Mirondalina əvvəlcə Kavaleri özünə aşiq edir, daha sonra ondan öz intiqamını alır. Sonda isə azad ruhlu, şan-şöhrətə əhəmiyyət verməyən Mirondalina ətrafında ona aşiq olanlardan birini, atasının vəsiyyət etdiyi xidmətçi Fabrisionu seçir.

Yeni Avropa — Azərbaycanın paytaxtı Bakı şəhərində yerləşən keçmiş mehmanxana. Hal-hazırda "Lukoyl" Rusiya neft şirkətinin Bakı ofisi mehmanxana binasında yerləşir — Hacı Zeynalabdin Tağıyev, 13. Azərbaycan Respublikası Nazirlər Kabinetinin sərəncamına əsasən bu bina Azərbaycanın yerli əhəmiyyətli tarixi və mədəniyyətinin memarlıq abidəsidir. Altı mərtəbəli mehmanxananın binası 1913-cü ildə Art Nouveau üslubunda memar İosif Ploşko tərəfindən Bakının neftçisi Musa Nağıyevin hesabına inşa edilmişdir. Bina Qorçakovski küçəsi, 13 ünvanında, Nəzarət döngəsinin küncündə yerləşirdi. Yeni Avropa Bakıdakı bir neçə mehmanxanadan biri idi və şəhərin nadir binası liftlərlə təchiz olunmuşdu. İlk Sovet illərində Yeni Avropada adətən, Azərbaycanın digər şəhər və rayonlarından gələn ziyarətçilər yaşayırdı. O vaxtlar hoteldə Sergey Yesenin (1925, № 59), Rurik İvnev (№ 81), Vasili Kaçalov (1925-ci il iyun), Yakov Blumkin bu hoteldə yaşayıb. 1950-ci ildə şəhərə işləmək üçün gələn Heydər Əliyev, sonra Azərbaycan SSR Kommunist Partiyası Mərkəzi Komitəsinin və Azərbaycan Respublikası Prezidentinin birinci katibi mehmanxana otağından birində yerləşdirilib. 1999-cu il 3 oktyabrda Rusiyanın "Lukoyl" neft şirkətinin yeni ofisinin açılışı keçmiş mehmanxananın təmir edilmiş binasında keçirilib.

"Hanq Nqa" — Vyetnamın Dalat şəhərində mehmanxana. Mehmanxananın əsası 1990-cı ildə qoyulmuşdur. Hotelin sahibi bir vaxtlar Moskvada memarlığı öyrənmiş Vyetnamın sabiq prezidentinin qızıdır. Bu təəccüb doğuran mehmanxana bütün ənənəvi memarlıq standartlarından uzaqdır. Öz görünüşünə görə nağıl personajının sarayını xatırladır. O özünün qeyri-adi quruluşu ilə diqqəti cəlb edir, hotelin heç bir pəncərəsi kvadrat və ya dairəvi deyil. Çoxları mehmanxananı "dəlilər evi", "ağacda koma" və ya "hörümçək daxması" adlandırır. == Mənbə == Dünyada 10 ən qeyri-adi bina.

Moskva mehmanxanası — Azərbaycanın paytaxtı Bakıda, Şəhidlər Xiyabanı ərazisində yerləşən keçmiş mehmanxana. 1977-ci ildə akademik Mikayıl Hüseynovun layihəsi ilə tikilmişdir. 2000-ci illərdə otel binası söküldü. Hal-hazırda onun yerində Alov qüllələri var. Mehmanxana binası Nəriman Nərimanov prospekti (indi — Parlament prospekti) və Mehdi Hüseyn küçəsi tərəfindən təşkil edilmiş üçbucaqda yerləşirdi. Mehmanxananın memarlığı birmərtəbəli və çoxmərtəbəli binaların təkrarlanan ərazi kontrastı idi. Hər tərəfdən mehmanxana binası balkonlarla əhatə olunmuşdu. Anodlaşdırılmış metal cədvəllər kimi istifadə edilmişdir. Bina açıq mavi mərmər və həssas bir xalça ilə bəzədilmişdir. Üst hissəsinin yarım bir forması olan bir mərtəbəli binanın memarı daha çox monumental formada həll edildi.

Palas-Otel — Rostov vilayəti Rostov-na-Donu şəhəri ərazisində yerləşən tarixi arxitektur bina. Bina Rostov-na-Donu şəhəri Bolşoy Sadovnaya küçəsi ev 62 ünvanında yerləşir. Bina 1893—1896-cı illərdə arxitektor Aleksandr Vikanoroviç Pomeransevin layihəsi əsasında inşa edilmişdir. Binanın inşasında Nikolay Nikitiç Durbaxda iştirak etmişdir. Bina hazlrda təmirə bağlanmışdır. Onun reakanstruksiya edilməsi planlaşdırılır. «Moskva mehmanxanası» regional əhəmiyyətli mədəni irs siyahəşlsına daxil edilmişdir. Eklektika stilinə sahibdir. XIX əsrin ortalarında erməni əsilli tacir Mares Babacanyan Hindistanda olan əmlakından əldə edilən vəsaitin bir hissəsini Naxçıvan-na-Donu şəhərinə bağışlayır. 1860-cı ildə digər erməni yazıçı və inqilabçı demokrat Mikael Nalbaldyan özünün «Şimal parıltısı» (Hyusisapayl) jurnalında bu vəsaitin şəhər sakinlərinə qaytarılmmasını tələb edir.

Nyu-York mehmanxanası — Rostov vilayəti Novoçerkassk şəhəri ərazisində açılmış mehmanxanalardan biri. Mehmanxana Novoçerkassk şəhəri, Aleksandrovskaya və Krasnı spusk küçələrinin kəsişməsində ev 64 ünvanında yerləşir. Bina XIX əsrin sonlarında inşa edilmişdir. Binanın hazır ki, vəziyyəti idealdır. Bina regional əhəmiyyətli mədəni irs siyahısına daxil edilmişdir. Şəhərin alman faşistlərindən azad olunması münasibətilə fasadına xatirə lövhəsi vurulmuşdur. Bina modern stildə inşa edilmişdir. Mehmanxana binası XIX əsrin sonları inşa edilmişdir. İnqilaba qədər binanın fasadı yenidən üzlənmişdi. Daxili interyeri olduqca zəngin olmuşdur.

Qarabağ mehmanxanası və ya Turist mehmanxanası — bir vaxtlar Bakıda mövcud olmuş mehmanxana. Şəhərin təpəlik hissəsində yerləşdiyi üçün şəhərin bir çox yerindən görünürdü. Mehmanxananın binası 1974-cü ildə tikilib. Binanın memarları B. Şulgin və E. Melxisedekov, konstruktorları K. Kərimov, Q. Şamilov idi. Binanın layihəsi Bakı Dövlət Layihə İnstitutunda tərtib edilmişdi. Mehmanxana 1976-cı ildə istismara verilmişdir. 1989-cu ilə qədər "Turist" adını daşıyan mehmanxanaya sonralar "Qarabağ" adı verilmişdi. Qayalı təpənin üzərində tikilmiş "Qarabağ" 1978-ci ildə Nyu-Yorkda nəşr edilmiş "Dünyanın Memarlıq Ensiklopediyasına" daxil olmuşdu. Binanın layihəsi isə 1979-cu ildə "Le Korbyuze" mükafatını almışdı. "Qarabağ" mehmanxanası Bakı amfiteatrının daha yüksək hissəsində qayalı təpənin üzərində yerləşirdi və şəhərin bir çox nöqtələrindən aydın görünürdü.

Raftopulo mehmanxanası — Rostov vilayəti Taqanroq şəhəri ərazisində yerləşən tarixi arxitektur bina. Bina Taqanroq şəhəri Oktyabrskaya küçəsi ev 35 ünvanında yerləşir. Bina 1870-ci illərində inşa edilmişdir. Binanın hazır ki, vəziyyəti idealdır. Bina regional əhəmiyyətli mədəni irs siyahısına daxil edilmişdir. Afanasi Andreyeviç Belov vəsaiti hesabına inşa edilmişdir. 1992-ci ildə şəhərin tarixi abidələri siyahına daxil edilmişdir. Bina Rostov vilayəti Taqanroq şəhəri Oktyabrskaya küçəsi ev 35 ünvanında yerləşir. 1870-ci illərdə Afanasi Andreyeviç Belov vəsaiti hesabına inşa edilmişdir. Bina üç mərtəbədən ibarətdir.

Rostov mehmanxanası — Rostov-na-Donu şəhərinin ərazisində, Budyonnovski prospekti, ev 59 ünvanında yerləşən bina. Rostov-na-Donu şəhərinin tarixi hissəsində, Oktyabrski rayonunda üç ulduzlu otel. Bina 1932–1934-cü illərdə E. İ. Çerkasian, Xaçatur Xristoforoviç Çalxuşyan və Lev Leonodoviç Eberqin layihəsi əsasında inşa edilmişdir. Rostov-na-Donu ərazisində mövcud olan və öz fəaliyyətini indiyənə qədər davam etdirən nadir mehmanxanalardan biridir. Burada hazırda Marins Park Hotel Rostov adlı otel yerləşir. Bu binada hazırda 300 müxtəlif otaq vardır. Rostov mehmanxanası regional əhəmiyyətli mədəni irs obyekti siyahısına daxil edilmişdir. Bina 805 nəfəri eyni anda qəbul edə bilir. Binanın tikintisində konstruktivizm elementləri aydın sezilir. Tikintisində dəmir-beton konstruksiyasından istifadə edilmişdir.

Qarabağ mehmanxanası və ya Turist mehmanxanası — bir vaxtlar Bakıda mövcud olmuş mehmanxana. Şəhərin təpəlik hissəsində yerləşdiyi üçün şəhərin bir çox yerindən görünürdü. Mehmanxananın binası 1974-cü ildə tikilib. Binanın memarları B. Şulgin və E. Melxisedekov, konstruktorları K. Kərimov, Q. Şamilov idi. Binanın layihəsi Bakı Dövlət Layihə İnstitutunda tərtib edilmişdi. Mehmanxana 1976-cı ildə istismara verilmişdir. 1989-cu ilə qədər "Turist" adını daşıyan mehmanxanaya sonralar "Qarabağ" adı verilmişdi. Qayalı təpənin üzərində tikilmiş "Qarabağ" 1978-ci ildə Nyu-Yorkda nəşr edilmiş "Dünyanın Memarlıq Ensiklopediyasına" daxil olmuşdu. Binanın layihəsi isə 1979-cu ildə "Le Korbyuze" mükafatını almışdı. "Qarabağ" mehmanxanası Bakı amfiteatrının daha yüksək hissəsində qayalı təpənin üzərində yerləşirdi və şəhərin bir çox nöqtələrindən aydın görünürdü.

Təbriz mehmanxanası (Naxçıvan)

Təbriz mehmanxanası — Naxçıvan şəhərində yerləşən mehmanxana. Mehmanxana Naxçıvan şəhəri, Heydər Əliyev prospekti 1 ünvanında yerləşir. 13 mərtəbəlidir, 5 ulduz kateqoriyası almışdır. Mehmanxananın qarşısında – Dədə Qorqud meydanında XVIII əsrə aid tarixi-memarlıq abidəsi İsmayılxan hamamı və Dədə Qorqudun heykəli yerləşir. Otelin həyətində avtomobil dayanacağı vardır. 100 nəfərlik qonaq üçün nəzərdə tutulmuşdur. 95 nömrə fondu vardır. Bunlardan 1-i apartament – kral dairəsi, 22-si lüks, 18-i studiya, 54-ü isə I kateqoriya nömrələrdir. Mehmanxanada qonaqlara poçt və teleqraf xidmətləri, taksi çağırılması, nəqliyyatın müxtəlif növlərinə biletlərin bronlaşdırılması, turist-ekskursiya xidməti və sair göstərilir. Mehmanxananın zirzəmi hissəsində uşaq oyun otağı, trenajor zal, adi hovuz, cakuzi hovuzu, sauna, Məşədi İbad hamamı, buxar hamamı olan örtülü hovuz kompleksi yerləşir.

"Veysayd mehmanxanasının hekayələri" (Tales of a Wayside Inn) — Amerikan şair Lonqfello (Henry Wadsworth Longfellow) tərəfindən yazılmış şeirlər kitabıdır. Kitab 1863-cü ildə çap edilmişdir. Kitabın adındakı "Veysayd" mehmanxanası Amerika Birləşmiş Ştatları Massaçusets şəhərinin "Sudbury" əyalətində yerləşən bir mehmanxanadır. Lonqfello Massaçusets, Kembric şəhərindən 20 mil uzaqlıqda yaşayırdı. Bu mehmanxana Kembric insanlarının getməkdən ən çox həzz aldığı yerlərdən biri idi. Mehmanxananın adı ilə yanaşı həm də kitabda yer alan surətlər də real insanlardır və Lonqfelloun dostları olmuşdur. Kitab onların bir-birinə Veysayd mehmanxanasına gedərkən söylədiyi hekayələrdən ibarətdir. Kitabda bu hekayələr şeir formasında verilir. Lonqfello 1861-ci ildə həyat yoldaşının ölümündən sonra onda yaranan kədərlə mübarizə aparmaq üçün böyük öçülü bir əsərə başlayır. Bu kitabı yazarkən o həm də özünün ABŞ Vətəndaş müharibəsi dövründəki şəxsi mübarizəsi, böyük qardaşının müharibədə yaralanması və xəstələnməsini də aydınlaşdırmışdır.

İtalyan mehmanxanası və ya yerli adı ilə Auberge d'Italie ( malta Berġa tal-Italja, it. Albergo d'Italia) — Malta, Vallettada mehmanxana. 16-cı əsrin sonlarında İtaliyadan gələn Hospitaller ordeni cəngavərlərinin yerləşməsi üçün müxtəlif mərhələlərdə inşa edildi. Binada Girolamo Kassar və bir neçə digər memar tərəfindən yaradılan Manyerist dizaynı var. Bina 17-ci əsr boyunca dəyişdirilməyə davam etdi. Son əsaslı təmir 1680-ci illərdə aparılaraq binaya Barokko xarakteri qazandırdı. Orden 1798-ci ildə Maltadan qovulduqdan sonra mehmanxana bir sıra məqsədlər üçün istifadə edildi, binada hərbi qərargah, muzey, incəsənət məktəbi, ədliyyə, baş poçt və müxtəlif hökumət idarələri quruldu. Binada son vaxtlara qədər Malta Turizm İdarəsi yerləşirdi və orada bərpa işləri aparılırdı. Mehmanxanada hal-hazırda milli kolleksiya (əvvəllər Milli İncəsənət Muzeyində yerləşirdi) yerləşir. 2018-ci ildə ərazi MUŻA adlı yeni Milli İcma İncəsənət Muzeyi oldu ( Malta dilində açılışı: Mużew Nazzjonali tal-Arti ).