1. Bir yerdə və müntəzəm halda olmayan; nizamsız, qarmaqarışıq, dağınıq.
Qoşun dəstə-dəstə, pərakəndə bir halda gəlib-keçirdi.
Direktor masanın üstündə pərakəndə halda olan kağızları nizama saldı.
□ Pərakəndə düşmək (olmaq) – dağılmaq, dağınıq hala düşmək, mütəşəkkilliyini itirmək, darmadağın olmaq.
[Qasid:] Yerdə qalanın bir hissəsi Cəfərqulu xan tərəfə keçdi və qalanı pərakəndə olub, hərəsi bir yana qaçdı.
[Hadi Lələ:] Bu xanədanın, dağılıb pərakəndə düşməyinə bais olma.
2. Dağınıq, pərişan.
…Nərgizin görkəmi, Mixailin pərakəndə saqqalı karıxmış Gön Çərkəzin inamını artırırdı.
[Məryəmin] pərakəndə halda çiyninə səpilmiş uzun şabalıdı saçları, təzə açmış gül kimi saf çöhrəsi … Səlimi məst edirdi.
◊ Pərakəndə satış tic. – topdan deyil, ədədlə və ya az miqdarlarla satılan, yaxud alınan (istehlak malları haqqında).
…Çoxişlənən mallar üçün aşağı salınan vahid dövlət pərakəndə satış qiymətləri qoyulmuşdu. ().
