Termin

lat. terminus – hədd, hüdud, sədd, sərhəd 1) istilah; 2) müəyyən məfhumu, hadisəni, şeyi göstərmək üçün bu və ya digər xüsusi bir sahədə qəbul edilən söz birləşməsi; 3) elmin, texnikanın, incəsənətin xüsusi anlayışlarını, təbiət və cəmiyyətdə baş verən hadisələri və istehsal proseslərini dəqiq ifadə edən söz və ya söz birləşməsi, istehsal proseslərini bir-birindən fərqləndirmək üçün onlara verilən səciyyəvi ad; Termin adi sözlər kimi kontekstlə deyil, anlayışlar sistemi – müəyyən bir terminologiya sahəsi ilə bağlıdır; 4) dəqiq müəyyən edilmiş elmi anlayışı ifadə edən söz və ya söz birləşməsi; 5) müasir mənada “termin” anlayışların hüdudunu bildirir, onları bir-birindən fərqləndirir; 6) elm, texnika, incəsənət və s. müəyyən ixtisas sahəsinə aid anlayışı dəqiq ifadə edən söz (və ya söz birləşməsi): istilah; 7) hər hansı bir bilik sahəsinə aid anlayışın adı; 8) məntiqdə: hökmün tərkib elementi (subyekt və predikat).