İstredd

İstredd (pol. Istredd) – Polşa yazıçısı Andjey Sapkovskinin "Cadugər" romanlar seriyasının personajı, sehrbaz, Venqerberqli Yenniferin sevgilisi.

İstredd (əsl adı Val) Aedd Qinvaeldən olan sehrbazdır. Uzun müddət o, Yenniferin sevgilisi olmuş və Yen onu mükəmməl sehrbaz hesab etmişdir. İstredd Geraltı Yenniferdən imtina etmək üçün dilə tutsa da, istədiyinə nail olmur və onu təkbətək döyüşə çağırır. Duelqabağı o bildirir ki, sehr istifadə etmədən qılınca döyüşəcək və bu intihar kimi qiymətləndirilir. Lakin, Geralt döyüşdən imtina edərək Aedd Qinvaeldən gedir.

Sapkovski İstreddi 40 yaşlarında, düz, qismən ağarmış və çiyinlərinə kimi çatan saçlara malik kişi kimi təsvir edir.

Polşa istehsalı olan “Cadugər” teleserialında İstredd rolunu Bronislav Vroçlavski canlandırmışdır. Eyni adlı ABŞ serialında isə rol Roys Pirreson tərəfindən oynanılıb. Aktyorun qara dərili və cavan olması tənqidlə qarşılanmışdır.^[1]