Cavanşir Novruzov

Cavanşir Məmməd oğlu Novruzov^[1] (29 avqust 1959, Ağdam) — hücumçu mövqeyində çıxış etmiş SSRİ və Azərbaycan futbolçusu. Məşqçi. SSRİ idman ustası (1991), Azərbaycan Respublikasının Əməkdar məşqçisi (2021).

Cavanşir Novruzov
Ümumi məlumatlar
Tam adı	Cavanşir Məmməd oğlu Novruzov
Doğum tarixi	29 avqust 1959 (64 yaş)
Doğum yeri	Ağdam, Azərbaycan SSR, SSRİ
Vətəndaşlığı	SSRİ → Azərbaycan
Karyerası
Klub karyerası[* 1] 1982 Avtomobilçi Mingəçevir ? (4) 1983 Neftçi 0 (0) 1984 Qarabağ Stepanakert 13 (0) 1985 Dinamo Gəncə 10 (0) 1986 Araz-Naxçıvan 23 (12) 1987 Göyəzən 23 (4) 1988—1992 Qarabağ 104+ (34+) 1993—1994 Avtomobilçi Yevlax 6 (0) 1994—1998 Qarabağ 37 (5) Məşqçisi olduğu klublar 1997—1998 Qarabağ
Təltif və medalları
2021
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

29 avqust 1959-cu ildə Ağdamda anadan olmuşdur.^[1] Uşaqlıqdan futbola marağı olub. 6-cı sinifdə oxuyanda məktəbin həyətində futbol oyunu zamanı Adil Nadirov onu görmüş və öz idman məktəbinə dəvət etmişdir.^[2]

1979-cu ildə Almaniyaya hərbi xidmətə yollanıb. Orada da futbol fəaliyyətini davam etdirib. Hərbi xidmətdən qayıtdıqdan sonra 3 ay Ağdamda futbol oynayıb. Buradakı çıxışı zamanı onu Mingəçevirin "Avtomobilçi" klubunun nümayəndələri bəyənərək komandalarına dəvət ediblər. 1981-1982-ci illərdə "Avtomobilçi"nin heyətində çıxış edib.^[2][3]

Bakıda "Neftçi" ilə yoldaşlıq oyunu zamanı "Neftçi"nin baş məşqçisi Kazbek Tuayev Novruzovun oyununu bəyənib və beləliklə, o, 1983-cü ildən "Neftçi"nin üzvü olub. Lakin komandanın əsas heyətində forma geyinmək şansı qazana bilməyib və yalnız klubun əvəzedici heyətində oyunlar keçirib.^[2][3]

1984 mövsümündə Stepanakertin "Qarabağ" komandasının heyətində SSRİ ikinci liqasında 13 görüş keçirib.^[2][4][5] Növbəti mövsümü Gəncə "Dinamo"sunda forma geyinib. Gəncəlilərin heyətində 10 oyunda meydana çıxıb. 1986-cı ildə Əli Rəhmanovun dəvətilə "Araz-Naxçıvan"a keçib. Burada 26 oyuna 12 qol vuraraq komandasının ən məhsuldar oyunçusu olub. 1987 mövsümündə Qazaxın "Göyəzən" komandasının heyətidə 23 oyun keçirib, 4 qol vurub.^[3]

1988-ci ildə Ağdamın "Qarabağ" komandasının heyətində Azərbaycan SSR çempionatının qalibi olur. İki il sonra komanda eyni uğuru təkrarlamağı bacarır, həmçinin Azərbaycan SSR kubokunu da əldə edir.^[3][6][7] 1993-1994 mövsümü istisna olmaqla, 1998-ci ilədək "Qarabağ"da çıxış edib.^[3][8]

1997-1998-ci illərdə "Qarabağ" klubunun baş məşqçisi olub. Ağdam təmsilçisi onun rəhbərliyi altında çempionatı dördüncü yerdə bitirib, ölkə Kubokunun finalında isə "Kəpəz"ə məğlub olub.^[8]

2007-2010-cu illər aralığında "Qəbələ" klubunun baş məşqçisi Ramiz Məmmədovun yanında köməkçi məşqçi kimi fəaliyyət göstərib.^[1]

2010-cu ildən 2019-cu ilə kimi seleksioner məşqçi kimi çalışıb.^[2]

Qarabağ

• Azərbaycan SSR çempionu: 1988, 1990
• Azərbaycan SSR Kubokunun qalibi: 1990
• Azərbaycan çempionatının gümüş mükafatçısı: 1996/1997
• Azərbaycan Kuboku finalçısı: 1995/1996, 1997/1998

Qarabağ

• Azərbaycan Kuboku finalçısı: 1997/1998

• SSRİ idman ustası: 1991^[2]
• Azərbaycan Respublikasının Əməkdar məşqçisi: 2021^[2]

• "İşləyən adam 100 manat, işləməyən 500 manat maaş alır" - Müsahibə Qol.az