Böyükağa Ağayev

Böyükağa Məmməd oğlu Ağayev (15 yanvar 1948, Bakı, Azərbaycan SSR, SSRİ) — hücumçu mövqeyində çıxış etmiş sovet futbolçusu. Məşqçi. Azərbaycan Respublikasının Əməkdar məşqçisi, Azərbaycan Respublikasının əməkdar bədən tərbiyəsi və idman xadimi (2019).

Böyükağa Ağayev
Böyükağa Ağayev 2019-cu ildə
Böyükağa Ağayev 2019-cu ildə
Ümumi məlumatlar
Doğum tarixi (76 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ →
Azərbaycan Azərbaycan
Mövqeyi hücumçu
Karyerası
Gənclik karyerası
SSRİ Proqress
Klub karyerası[* 1]
1966 SSRİ Lokomotiv Bakı ? (?)
1967 SSRİ Neftyanik 0 (0)
1967—1968 SSRİ Avanqard ? (?)
1970—1973 SSRİ Kalitva ? (?)
Məşqçisi olduğu klublar
1993 Azərbaycan Neftçi
1994 Azərbaycan Qarabağ
1995 Azərbaycan Kür-Nur
1996—1997 Azərbaycan Kür-Nur
1999 Azərbaycan Qarabağ
2000 Azərbaycan Turan
2001—2004 Azərbaycan Xəzər Universiteti
2005 Azərbaycan Azərbaycan (U-19)
2006 Azərbaycan Qarabağ
2009 Azərbaycan Neftçi
2011 Azərbaycan Simurq
Təltif və medalları
Azərbaycan Respublikasının əməkdar məşqçisi "Azərbaycan Respublikasının əməkdar bədən tərbiyəsi və idman xadimi" fəxri adı — 2019
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Erkən illəri

[redaktə | mənbəni redaktə et]

Böyükağa Ağayev 15 yanvar 1948-ci ildə Bakıda anadan olub. Atası partiya işçisi, anası isə evdar qadın idi. 7 yaşında olarkən atası vəfat edib. Böyükağa evin kiçik uşağı olub, özündən böyük iki qardaşı var.[1]

Klub karyerası

[redaktə | mənbəni redaktə et]

Futbolla lap kiçik yaşlarından məşğul olub. Əvvəl sadəcə küçədə və məktəbdə oynayan Ağayev, sonradan bu idman növünə peşə kimi yanaşıb və 1960-cı ildə Orconikidze rayonunda futbola getməyə başlayıb. Burada yerli "Proqress" klubunda futbolun sirrlərinə yiyələnib. Sonradan o vaxtın tanınmış uşaq məşqçisi olan Şirəli Şirəliyevin qrupuna qoşulub.[1]

Peşəkar futbolçu karyerasına 1966-cı ildə, futbol üzrə SSRİ ikinci liqasında çıxış edən Bakının "Lokomotiv" klubunda start verib.[2] Bir il sonra respublikanın əsas komandası olan "Neftyanik"in əvəzedici komandasına dəvət edilib. O zamanlar parlaq dövrünü yaşayan "Neftyanik"in hücüm xəttində Banişevski, Markarov, Tuayev kimi futbolçular oynadığından, rəqabət apara bilməyəcəyini başa düşən gənc hücumçu, komandasını dəyişmək qərarı verib.[1]

1967-1968-ci illərdə Rovenki şəhərinin "Avanqard", 1970-1973-cü illərdə isə Belaya Kalitva şəhərinin "Kalitva" klubunda çıxış edib.[2][1] Sonuncunun heyətində 1971-ci ildə Bədən tərbiyəsi kollektivləri arasında futbol üzrə SSRİ Kubokunun qalibi olub.[1][3]

Məşqçilik karyerası

[redaktə | mənbəni redaktə et]

1976-cı ildə Gənclər Futbol Məktəbində (indiki "Vətən" Respublika İxtisaslaşdırılmış Olimpiya Ehtiyatları Uşaq-Gənclər Futbol Məktəbi) məşqçi kimi çalışmağa başlayıb. Ardınca isə 15 yaşa qədər futbolçulardan ibarət Azərbaycan SSRİ yığmasının baş məşqçisi postunu tutub. 1988-1989-cu illərdə Gəncənin "Kəpəz" komandasında məşqçi kimi fəaliyyət göstərib.[1][4]

1990-1993-cü illər ərzində "Neftçi" klubunda məşqçi işləmişdir. 1993-cü ildə paytaxt təmsilçisinin baş məşqçisi Sergey Kramarenkonun cəzalanmasından sonra komandanı 2 oyuna çıxaran Ağayev, Azərbaycan çempionatlarında baş məşqçi kimi debüt edib.[5] 1994-1995 mövsümünün ilk dövrəsində Ağdamın "Qarabağ" klubunu çalışdırıb. 1995 və 1996-1997-ci illərdə "Kür-Nur" komandasında baş məşqçi işləyib. Mingəçevir təmsilçisi onun rəhbərliyi altında Azərbaycan Kubokunun finalçısı olub.[1]

1999-cu ildə yenidən "Qarabağ" klubuna baş məşqçi təyin olunub. Mövsümün startında İntertoto Kubokunun 1-ci mərhələsində İsrailin "Makkabi Hayfa" klubunu iki oyunun cəminə görə məğlub edən Ağdam təmsilçisi, Azərbaycan futbolu tarixinə avrokuboklarda mərhələ adlayan ilk komanda kimi düşüb.[1][6] 2000-ci ildə qısa müddətdə Tovuzun "Turan" klubunda baş məşqçi kimi fəaliyyət göstərib.[1]

2001-2004-cü illərdə "Xəzər Universiteti"nə rəhbərlik edən Ağayev, komandanı autsayderlər siyahısından iddialılara qədər daşımağı bacarıb.[1] 2004-cü ildə "Şahdağ Samur" klubunda məsləhətçi vəzifəsini daşıyıb.[4] 2005-ci ildə 19 yaşlılardan ibarət Azərbaycan yığmasının baş məşqçisi olub.[4]

2006-cı ildə üçüncü dəfə Ağdam klubunda baş məşqçi postuna təyin olunub. "Qarabağ" onun rəhbərliyi altında mövsümün yekununda Azərbaycan Kubokunu qazanaraq avrokuboklara vəsiqə əldə edib. İlin sonunda Ağayev postunu tərk edib.[1][7]

2008-2009 mövsümünün ikinci, 2009-2010 mövsümünün isə birinci yarısında "Neftçi" komandasını çalışdırıb.[5]

Qyoko Hacıyevskinin istefasından sonra 2010-2011 mövsümünün sonuncu turunda "Simurq" klubunu baş məşqçi kimi meydana çıxarıb. Bununla da o, Azərbaycan çempionatının yüksək dəstəsindəki baş məşqçilik etdiyi oyunların ümumi sayını 174-ə çatdırıb.[1]

2012-ci ilin payızında "Qəbələ" klubunun seleksiya şöbəsinin rəhbəri təyin olunub.[1][8]

Şəxsi həyatı

[redaktə | mənbəni redaktə et]

1976-cı ildə Volqoqrad Dövlət Bədən Tərbiyəsi İnstitutunu, 1987-ci ildə isə Ali Məşqçilik Məktəbini bitirib.[1][4]

Oğlu futbolçu olsa da, karyerası o qədər də yaxşı alınmayıb. 2014-cü il etibarilə Respublika Olimpiya İdman Liseyində uşaq futbolu məşqçisi işləyib.[1]

İki oğlan nəvəsi var.[1]

Nailiyyətləri

[redaktə | mənbəni redaktə et]

Futbolçu kimi

[redaktə | mənbəni redaktə et]

Kalitva

Məşqçi kimi

[redaktə | mənbəni redaktə et]

Kür-Nur

Qarabağ

Dövlət mükafatları

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 12 13 14 15 16 "Böyükağa Ağayev: Evdə narazılıq edirdilər ki, ayaqqabıları dağıdırsan". Azerisport.com. 2018-07-23 tarixində arxivləşdirilib. İstifadə tarixi: 2024-11-05.
  2. ↑ 1 2 "Агаев Беюкага Мамед оглы". Footballfacts.ru. 2024-11-09 tarixində arxivləşdirilib. İstifadə tarixi: 2024-11-09.
  3. ↑ "В Белой Калитве чествовали своих футбольных героев". Rostovsport.ru. 2024-02-23 tarixində arxivləşdirilib. İstifadə tarixi: 2024-11-24.
  4. ↑ 1 2 3 4 5 ""QARABAĞ"IN BAŞ MƏŞQÇİSİ TƏQDİM OLUNDU: BÖYÜKAĞA AĞAYEV". Qarabagh.com. 2024-11-12 tarixində arxivləşdirilib. İstifadə tarixi: 2024-11-14.
  5. ↑ 1 2 "Arxiv". Pfl.az. 2024-09-27 tarixində arxivləşdirilib. İstifadə tarixi: 2024-11-23.
  6. ↑ "Klublarımızın Avrokuboklarda ilkləri: "Turan"dan "Qarabağ"a kimi". Qol.az. 2023-02-09 tarixində arxivləşdirilib. İstifadə tarixi: 2024-11-17.
  7. ↑ "Azerbaijan Cup 2005-06". RSSSF. 2022-12-10 tarixində arxivləşdirilib. İstifadə tarixi: 2024-11-17..
  8. ↑ "Böyükağa Ağayev özünə yeni iş yeri tapdı". Azerisport.com. 2012-11-27 tarixində arxivləşdirilib. İstifadə tarixi: 2024-11-23.
  9. ↑ "Azərbaycan Respublikasında idmanın inkişafında xidmətləri olan bir qrup şəxsə fəxri adların verilməsi haqqında Azərbaycan Respublikası Prezidentinin Sərəncamı". President.az. İstifadə tarixi: 2024-11-24.

Xarici keçidlər

[redaktə | mənbəni redaktə et]