Həzrət Əbdürrəhman oğlu Süleymanov (2 may 1902, İlisu, Nuxa qəzası – 1970) — Azərbaycan-sovet dövlət xadimi, SSRİ Tədarük Nazirliyinin Azərbaycan SSR müvəkkili (1942–1962), Azərbaycan Kommunist Partiyası Göyçay Rayon Komitəsinin birinci katibi (1940–1942).
Həzrət Süleymanov | |
---|---|
1 may 1942 – 1962 | |
Əvvəlki | Qənbər Bağırov |
1946-cı ilədək SSRİ Xalq Tədarük Komissarlığının Azərbaycan SSR müvəkkili kimi | |
1940 – 1942 | |
1938 – 1940 | |
1931 – 1934 | |
Şəxsi məlumatlar | |
Doğum tarixi | 2 may 1902 |
Doğum yeri | |
Vəfat tarixi | 1970 |
Partiya | |
Təhsili |
|
|
|
Təltifləri |
|
Həzrət Əbdürrəhman oğlu Süleymanov 1902-ci ildə Nuxa qəzasının İlisu kəndində anadan olmuşdur. 9 yaşında Bakıya gələrək natamam təhsil almışdır. Azərbaycanda sovet hakimiyyətinin qurulmasından sonra Azərbaycanın müxtəlif rayonlarında çalışmış, 1931–1934-cü illərdə Zaqatala Rayon Zəhmətkeş Deputatları Soveti İcraiyyə Komitəsinin sədri olmuşdur. 1934-cü ildə "Azərittifaq"ın tədarük idarəsinin rəisi təyin olunmuşdur.[1]
1938-ci ildə Həzrət Süleymanov Göyçay Rayon Zəhmətkeş Deputatları Soveti İcraiyyə Komitəsinin sədri, 1940-cı ildə isə Azərbaycan Kommunist Partiyası Göyçay Rayon Komitəsinin birinci katibi seçilmiş, 1942-ci ildən 1962-ci ilədək SSRİ Tədarük Nazirliyinin (1946-cı ilədək SSRİ Xalq Tədarük Komissarlığının) Azərbaycan SSR müvəkkili vəzifəsində işləmişdir. Həzrət Süleymanov Sov. İKP MK yanında Ali Partiya Məktəbində təhsil almış, buranı 1953-cü ildə bitirmişdir. 1962-ci ildə Azərbaycan SSR Dövlət Plan Komitəsi sədrinin müavini vəzifəsinə təyin edilmişdir.[2]
Həzrət Süleymanov Azərbaycan Kommunist Partiyası Mərkəzi Komitəsinin üzvü olmuş, Azərbaycan SSR Ali Sovetinin II, IV və V çağırış deputatı seçilmişdir. "Qırmızı əmək bayrağı", "Şərəf nişanı", 1-ci dərəcəli "Vətən müharibəsi" ordenləri ilə, bir sıra medallarla, eləcə də Ümumittifaq Kənd Təsərrüfatı Nailiyyətləri Sərgisinin qızıl medalı ilə təltif edilmişdir.[2]
Həzrət Süleymanov 1970-ci ildə vəfat etmişdir.[2]