Qırılı — Azərbaycan Respublikasının Ağstafa rayonunun inzibati ərazi vahidində kənd.
Qırılı | |
---|---|
41°05′31″ şm. e. 45°30′42″ ş. u. | |
Ölkə | |
Tarixi və coğrafiyası | |
Mərkəzin hündürlüyü | 358 m |
Saat qurşağı | |
Kəntdə ilk insanlar Həsənsuçayının sol sahilində məskunlaşmışlar. Buna sübut olaraq köhnə qəbiristanlığın orada yerləşməsini göstərmək olar. Sonradan çayın sağ tərəfinə (indiki Tanrıverdilər məhəlləsinə) köçərək burada məskən salmışlar. Bu kəndə gəlib, ilk dəfə məskunlaşanlar Yuxarı Göycəli kəndindən köçüb gələnlər olublar. Elə bu səbəbdən kəndin adı Qırılı (yəni Yuxarı Göycəli kəndindən qırılıb ayrılmışlar) adlandırılıb.
Qırılı Kəndi Ağstafa rayonunun ən qədim kəndlərindən biridir. Kənd ərazisi bir çox məhəllələrdən ibarətdir: 1. Cağallı, 2. Cırdaxan, 3. Bozdağanlı, 4. Məmmədli, 5. Tut bağı, 6. Təpəbaşı, 7. Gödəklər, 8. Usublu, 9. Gödək oba, 10. Mahmudlu, 11. Təzə məhəllə, 12. Zəryərli, 13. Xallar, 14. Tanrıverdilər, 15. Allahverənli
Kəndin ərazisində bir sıra qədim yaşayış məskənləri vardır. Buna Qarğalartəpəsini misal göstərmək olar. Aparılmış arxeoloji araşdırmalardan da bəlli olur ki, hətta e.ə. V - e.ə. VI minilliklərdə (Neolit dövrü) bu ərazidə yaşayış olub və insanlar oturaq həyat tərzi keçirərək maldarlıqla, əkinçiliklə məşğul olmaqla yanaşı, misdən soyuq döymə üsulu ilə müxtəlif əşya və bəzəklərin düzəldilməsi ilə məşğul olublar. Araşdırılmalar nəticəsində həmçinin buradan gildən düzəldilmiş qadın fiquru və ən qədim metal əşya, mis muncuq tapılmışdır.
Kənd rayon mərkəzindən 6 km məsafədə yerləşir. Bir sıra mühüm neft və qaz kəmərləri kəndin ərazisindən keçərək dünya bazarına çıxır. Buraya Bakı-Tbilisi-Ceyhan neft kəmərini, Bakı-Tbilisi-Ərzurum Boru Xəttini və Trans-Anadolu qaz boru kəmərini misal göstərmək olar.
Kənd əhalisi sənaye, elm və kənd təsərrüfatının, eləcə də səhiyyənin müxtəlif sahələrində çalışırlar. Əsas məşğuliyyət sahələrinə isə elm, təmir-tikinti işləri, kənd təsərrüfatının müxtəlif sahələri, şəhər və rayonlararası daşımaları həyata keçirən sərnişin və yük daşıması fəaliyyətini aid etmək olar.
1926-cı ildə el ağsaqqalı, öz dövrünün görkəmli şəxsiyyətlərindən olan Kərbalayı Alyar Qasımzadənin təşəbbüsü ilə əhalinin içməli suya olan təlabatını ödəmək üçün Eynallı kəndindən kəndin mərkəzinə kəhriz çəkilmişdir.
Kənddə kitabxana, mədəniyyət evi, poçt, elektron tipli ATS fəaliyyət gösdərir. Hal-hazırkı statistikaya əsasən kənddə əhalinin sayı 7000-dən çox, evlərin sayı isə 1400 -ə yaxındır.
Kənddə müasir tipli Sirac Əliyev adına tam orta məktəb və 2 ədəd körpələr evi fəaliyyət göstərir.
Kənddə tibb məntəqəsi mövcuddur.
Ağstafa rayonu ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |