Vilayət Ağayev

Vilayət Ağayev (5 dekabr 1971) — Azərbaycanı təmsil edən yunan-roma güləşçisi.[1]

Vilayət Ağayev
Şəxsi məlumatlar
Tam adı Vilayət Ağayev
Vətəndaşlığı Azərbaycan Azərbaycan
Doğum tarixi (52 yaş)
Boyu 168 sm. (5 ft 6 in)
İdman növü Güləş
Karyera illəri 1985—2000
Məşqçisi Əli Əliyev

Karyerası

[redaktə | mənbəni redaktə et]

Vilayət Ağayev 1994-cü ildə Finlandiyada baş tutan Dünya Çempionatını altıncı pillədə başa vurdu.[2] 1995-ci ildə Vilayət Ağayev Fransada Avropa Çempionatında 18-ci, İtaliyada Hərbçilərin Dünya Oyunlarında isə 6-cı pillələrdə qərarlaşdı.[2]

1996-cı ildə martında Budapeşt şəhərində (Macarıstan) Avropa Çempionatını yeddinci pillədə başa vuran Vilayət Ağayev həmin ilin iyulunda Azərbaycanı Atlanta şəhərində (ABŞ) baş tutan XXVI Yay Olimpiya Oyunlarında təmsil edib. İyulun 20-də mübarizə aparan Vilayət Ağayev isə 1/16 final mərhələsi çərçivəsində baş tutan birinci görüşdə Çin təmsilçisi Şenq Zetian ilə üz-üzə gəldi.[3] Gərgin idman mübarizəsi şəraitində baş tutan görüşdə Vilayət Ağayev rəqibinə 4:5 hesabı ilə məğlub oldu və mübarizəni təsəlliverici qrupda davam elədi.[3] Təsəlliverici qrupun birinci görüşündə onun rəqibi Polşa nümayəndəsi Stanislav Pavlovxsi oldu.[3] Həmin görüşdə rəqibinə 4:3 hesabı ilə qalib gələn Vilayət Ağayev, növbəti mərhələyə adladı.[3] Bu mərhələdə onun rəqibi 1993-cü il Dünya Çempionatının qalibi olan Ermənistan nümayəndəsi Ağası Manuhyan oldu.[3] Bu görüşdə Vilayət Ağayev rəqibi üzərində inamlı qələbə qazandı (7:2) və təsəlliverici qrupun üçüncü mərhələsinə adladı.[3] Bu görüşdə onun rəqibi Kuba nümayəndəsi Luis Sarmiento oldu.[3] Gərgin idman mübarizəsi şəraitində baş tutan görüşdə Vilayət Ağayev rəqibinə 0:1 hesabı ilə məğlub oldu və Atlanta Olimpiadasıı 10-cu pillədə başa vurdu.[3]

Olimpiadadan sonra da Vilayət Ağayev beynəlxalq turnirlərdə uğursuz çıxış elədi.[2] 1997-ci ildə Finlandiyada Avropa Çempionatını 10-cu, Polşada Dünya Çempionatını isə 4-cü pillədə başa vuran Vilayət Ağayev 1998-ci ildə Belarusda Avropa Çempionatını 7-ci pillədə başa vurdu.[2]

1999-cu ildə Xorvatiyada Hərbçilərin Dünya Oyunlarını 6-cı, Yunanıstanda Dünya Çempionatını isə 12-ci pillədə başa vuran Vilayət Ağayev 2000-ci ildə idmanla vidalaşdı.[2]

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
1
1994
 Dünya Çempionatı Finlandiya Finlandiya
6.
2
1995
 Avropa Çempionatı Fransa Fransa
18.
3
 Hərbçilərin Dünya Oyunları İtaliya İtaliya
6.
4
1996
 Avropa Çempionatı Macarıstan Macarıstan
7.
5
 Olimpiya Oyunları ABŞ ABŞ
14.
6
1997
 Avropa Çempionatı Finlandiya Finlandiya
10.
7
 Dünya Çempionatı Polşa Polşa
4.
8
1998
 Avropa Çempionatı Belarus Belarus
7.
9
1999
 Hərbçilərin Dünya Oyunları Xorvatiya Xorvatiya
6.
10
 Dünya Çempionatı Yunanıstan Yunanıstan
12.
11
2000
 Dünya Olimpiya Təsnifat Turniri Özbəkistan Özbəkistan
16.

İstinadlar

[redaktə | mənbəni redaktə et]
  1. ↑ Olympedia.org. "Vilayət AĞAYEV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 International Wrestling Database. "VILAYAT AGHAYEV". www.iat.uni-leipzig.de (ingilis). 2022-08-04. İstifadə tarixi: 02.08.2022.
  3. ↑ 1 2 3 4 5 6 7 8 Olympedia.org. "1996 Summer Olympics / Wrestling / Bantamweight (57 Kilograms) / Greco-Roman / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.