Davud Məhəmmədov

Davud Məhəmmədov (8 noyabr 1970, Mahaçqala – 7 iyun 2005, Mahaçqala) — 1991–1993-cü illərdə Rusiyanı, 1994–2003-cü illərdə isə Azərbaycanı təmsil edən sərbəst güləşçi.[1]

Davud Məhəmmədov
Şəxsi məlumatlar
Tam adı Davud Məhəmmədov
Vətəndaşlığı Rusiya Rusiya →
Azərbaycan Azərbaycan
Doğum tarixi 8 noyabr 1970(1970-11-08)
Doğum yeri
Vəfat tarixi 7 iyun 2005(2005-06-07) (34 yaşında)
Vəfat yeri
Boyu 190 sm. (5 ft 6 in)
İdman növü Güləş
Karyera illəri 1986—2003
Məşqçisi Məhəmməd Dibirov
Medallar
Dünya Çempionatı
Gümüş 1994 İstanbul 100 Kq.

Karyerası

[redaktə | mənbəni redaktə et]

Davud Məmmədov 1991-ci lin iyununda SSRİ Çempionatının bürünc medalına sahib oldu.[2] SSRİ-nin dağılmasından sonra isə Davud Məmmədov 1992-ci ildə Rusiya çempionu, 1993-cü ildə isə turnirin finalçısı oldu.[2] Rusiya yığmasının əsas heyət üzvü olmadığına görə Davud Məhəmmədov 1994-cü ildə Azərbaycan yığmasının heyətinə cəlb edildi.[2]

Davud Məhəmmədov 1994-cü ilin avqustunda İstanbul şəhərində baş tutan Dünya Çempionatının gümüş medalına sahib oldu.[2]

1996-cı ildə isə Davud Məhəmmədov Azərbaycanı Atlanta şəhərində (ABŞ) baş tutan XXVI Yay Olimpiya Oyunlarında təmsil elədi.[3] Davud Məhəmmədov olimpiadanın birinci görüşündə İran nümayəndəsi Abbas Cədidi ilə üz-üzə gəldi. Həmin görüşdə rəqibinə 0:4 hesabı ilə məğlub olan Davud Məhəmmədov mübarizəsini təsəlliverici qrupda davam elədi. Qrupun birinci görüşündə Davud Məhəmmədov Albaniya nümayəndəsi Şelqin Troplini üzərində 10:0 hesabı ilə inamlı qələbə qazansa da, növbəti görüşdə Dünya və Avropa çempionu Almaniya nümayədəsi Aravat Sabeyeva 1:4 hesabı ilə məğlub oldu və olimpiadanı 11-ci pillədə başa vurdu.[3]

1997-ci ilin iyununda Polşada Avropa Çempionatını 6-cı pillənin sahibi olan Davud Məhəmmədov həmin ilin avqustunda Rusiyada Dünya Çempionatını 18-ci pillədə başa vurdu.[2]

Davud Məhəmmədov 1998-ci ildə Almaniya Qran-Prisinin qalibi oldu.[2] Həmin ilin sentyabrında Tehran şəhərində (İran) baş tutan Dünya Çempionatını isə 11-ci pillədə başa vurdu.[2] 1999-cu ildə Dünya Çempionatını 11-ci pillədə başa vuran Davud Məhəmmədov 2000-ci ildə Budapeşt şəhərində Avropa Çempionatında yeddinci pillənin sahibi oldu.[2]

Davud Məhəmmədov 2000-ci ildə Sidney şəhərində (Avstraliya) baş tutan XXVII Yay Olimpiya Oyunlarında Azərbaycanı təmsil elədi. -97 turnirində çıxış edən Davud Məhəmmədov qrup mərhələsinin birinci görüşündə Qazaxıstan nümayəndəsi İslam Bayramğov ilə üz-üzə gəldi.[4] Həmin görüşdə Davud Məhəmmədov rəqibinə 0:4 hesabı ilə məğlub oldu.[4] Növbəti görüşdə onun rəqibi Kuba güləşçisi Vilfredo Morales oldu.[4] Həmin görüşdə Davud Məhəmmədov rəqibi üzərində 4:0 hesabı ilə qələbə qazandı.[4] Qrup mərhələsinin nəticələrinə əsasən Kuba güləşçisi Vilfredo Morales növbəti mərhələyə adladı.[4] Mübarizəsini qrup mərhələsində dayandıran Davud Məhəmmədov isə olimpiadanı 12-ci pillədə başa vurdu.[4]

Davud Məhəmmədov 2003-cü ildə Dünya Çempionatını 22-ci pillədə başa vurduqdan sonra idmanla vidalaşdı.[2] Karyerasını başa vurandan sonra Dağıstanda ədliyyə qərarlarının icrası xidmərinin rəis müavini vəzifəsində çalışan Davud Məhəmmədov 7 iyun 2005-ci il səhər saatlarında Mahaçqala şəhərində yaşadığı evin qarşısında güllələndi.

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
Azərbaycan Azərbaycan
1
1994
 Dünya Çempionatı Türkiyə Türkiyə
2.
2
1996
 Olimpiya Oyunları ABŞ ABŞ
11.
3
1997
 Avropa Çempionatı Polşa Polşa
6.
4
 Dünya Çempionatı Rusiya Rusiya
18.
5
1998
 Almaniya Qran-Prisi Almaniya Almaniya
1.
6
 Dünya Çempionatı İran İran
11.
7
1999
 Dünya Çempionatı Türkiyə Türkiyə
8.
8
2000
 Avropa Çempionatı Macarıstan Macarıstan
7.
9
 Olimpiya Oyunları Avstraliya Avstraliya
12.
10
2003
 Dünya Çempionatı ABŞ ABŞ
22.

İstinadlar

[redaktə | mənbəni redaktə et]
  1. ↑ Olympedia.org. "Davud MƏHƏMMƏDOV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 International Wrestling Database. "DAVUD MAGOMEDOV". www.iat.uni-leipzig.de (ingilis). 2022-08-04. 2022-08-06 tarixində arxivləşdirilib. İstifadə tarixi: 02.08.2022.
  3. ↑ 1 2 Olympedia.org. "1996 Summer Olympics / Wrestling / Heavyweight (100 Kilograms) / Freestyle / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  4. ↑ 1 2 3 4 5 6 Olympedia.org. "2000 Summer Olympics / Wrestling / Heavyweight / Freestyle (97 Kilograms) / Men". www.olympedia.org (ingilis). 2022-08-30. 2022-05-10 tarixində arxivləşdirilib. İstifadə tarixi: 30.08.2022.