Zülfiyyə Yusif qızı Hüseynova (15 oktyabr 1970, Qaradağlı, Jdanov rayonu) — Azərbaycanlı cüdoçu və samboçu. Zülfiyyə Hüseynova sambo üzrə 5 dəfə Dünya Çempionatının qızıl medalını qazanıb. Hüseynova həm də Azərbaycanı 1996 Atlanta və 2000 Sidney Olimpiadasında təmsil etdi. Azərbaycanın əməkdar idman ustası olan Zülfiyyə Hüseynova 1995-ci ildə "Tərəqqi" medalına layiq görüldü.
Zülfiyyə Hüseynova | |
---|---|
Şəxsi məlumatlar | |
Tam adı | Zülfiyyə Yusif qızı Hüseynova |
Vətəndaşlığı | Azərbaycan |
Doğum tarixi | |
Doğum yeri | Beyləqan, Azərbaycan |
İdman növü | Cüdo |
Boyu | 164 sm |
İdman dərəcəsi | |
6 oktyabr 2016 tarixində yenilənib. |
Zülfiyyə Hüseynova 1970-ci ilin 15 oktyabr tarixində Beyləqan rayonunda anadan olub. Hüseynova hal-hazırda Dövlət Gömrük Komitəsinin Bakı Baş Gömrük İdarəsində mayor rütbəli əməkdaşıdır.
Zülfiyyə Hüseynova cüdo ilə yanaşı həm də sambo ilə məşğul olub. O, 1992, 1994, 1995, 1996 və 1997-ci illərdə Dünya Çempionatının qızıl medalını qazanıb.
Cüdoçu kimi isə Hüseynova Azərbaycanı 1996 Atlanta və 2000 Sidney Olimpiadasında təmsil etdi. 1996-cı ildə baş tutan yarışlarda Zülfiyyə Hüseynova startdaca İspaniyalı İsabel Fernandezə uduzdu. Təsəlliverici qrupda isə Hüseynova ardıcıl olaraq Avstraliyalı Narelle Hill və Macarıstanlı Mariya Peklini məğlub etsə də, sonda Belçika cüdoçusu Marisabel Lombaya uduzaraq, 1996 Atlanta Olimpiadasını 7-ci yerdə başa vurdu.
Zülfiyyə Hüseynova özünün ikinci Olimpiadasında dörd il sonra Sidneydə qatıldı. Zülfiyyə Hüseynova yenə startdaca Avstraliyalı Mariya Pekliyə uduzdu. Təsəlliverici qrupda isə Hüseynova ardıcıl olaraq Kamerunlu Françoise Nquelleni və İsveçli Pernilla Anderssonu məğlub etsə də, sonda Yaponiya cüdoçusu Kie Kusakabeyə uduzaraq Olimpiya Oyunlarını yenə 7-ci yerdə başa vurdu.