Valeri Timoxin

Valeri Timoxin (15 aprel 1959[1]) — Azərbaycanı təmsil edən stend atıcısı, məşqçi.[2]

Valeri Timoxin
Şəxsi məlumatlar
Tam adı Valeri Vasiliyeviç Timoxin
Vətəndaşlığı Azərbaycan Azərbaycan
Doğum tarixi 15 aprel 1959(1959-04-15)[1] (65 yaş)
Boyu 182 sm.
İdman növü Atıcılıq
Karyera illəri 1982—1996
Medallar

Karyerası

[redaktə | mənbəni redaktə et]

Valeri Timoxin SSRİ bayrağı altında əvvəl 1984-cü ildə İspaniyanın Saraqosa şəhərində, sonra isə 1987-ci ildə Finlandiyanın Lahti şəhərində baş tutan Avropa Çempionatlarında stend atıcığı üzrə turnirlərdə bürünc medallara sahib oldu. Komanda turnirlərində Valeri Timoxin 1986-cı ildə Dünya Çempionatını bürünc, 1989 və 1990-cı illərdə isə Dünya Çempionatlarını gümüş medallarla başa vurdu.[2]

Valeri Timoxin Sovet İttifaqını 1988-ci ildə Cənubi Koreyanın Seul şəhərində baş tutan XXIV Yay Olimpiya Oyunlarında təmsil elədi.[2] Turnirin nəticələrinə əsasən Valeri Timoxin olimpiadanı 196 xalla 52 idmançı sırasında 11-ci pillədə başa vurdu.[3]

Azərbaycan SSR Prezidenti Ayaz Mütəllibovun 31 yanvar 1991-ci il tarixli 152 nömrəli Fərmanına Valeri Vasilyeviç Timoxin Azərbaycan SSR-in Fəxri fərmanı ilə təltif edildi.[4]

1992-ci ildə isə Valeri Timoxin Birləşmiş Komandanı İspaniyanın Barselona şəhərində baş tutan XXV Yay Olimpiya Oyunlarında təmsil elədi.[2] Bu səfər Valeri Timoxin olimpiadanı 145 xalla 60 idmançı sırasında 25-ci pillədə başa vurdu.[5] SSRİ-nin dağılmasından sonra Valeri Timoxin beynəlxalq turnirlərdə Azərbaycanı təmsil elədi.[2]

Valeri Timoxin Azərbaycan bayrağı altında 1995-ci ildə Kiprda baş tutan Dünya Çempionatında stend atıcığı turnirində gümüş medalın sahibi oldu.[2]

Azərbaycan Prezidenti Heydər Əliyevin 5 mart 1995-ci il tarixli Fərmanına əsasən Azərbaycan idmanında xidmətlərinə görə Valeri Vasiliyeviç Timoxin "Tərəqqi" medalı ilə təltif edildi.[6]

Valeri Timoxin Azərbaycanı 1996-cı ildə Atlanta şəhərində (ABŞ) baş tutan XXVI Yay Olimpiya Oyunlarında təmsil elədi.[2] Stend atıcılığı turnirində çıxış edən Timoxin təsnifat mərhələsinin nəticələrinə əsasən 116 xalla 54 idmançı sırasında 38-ci pillənin sahibi oldu və olimpiada da mübarizəsini dayandırdı.[7]

Valeri Timoxin 1996-cı ildə idmanla vidalaşdı. Karyerasını başa vurandan sonra məşqçi olaraq çalışdı.

İstinadlar

[redaktə | mənbəni redaktə et]
  1. ↑ 1 2 Valeri Timoxin // Sports-Reference.com (ing.).
  2. ↑ 1 2 3 4 5 6 7 Olympedia.org. "Valeri TİMOXİN". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
  3. ↑ Olympedia.org. "1988 Summer Olympics / Shooting / Sceet / Open". www.olympedia.org (ingilis). 2022-08-30. 2022-04-22 tarixində arxivləşdirilib. İstifadə tarixi: 30.08.2022.
  4. ↑ Normativ hüquqi sənədlərin vahid internet bazası. "İdmançılardan bir qrupunun Azərbaycan SSR-in Fəxri fərmanı ilə təltif edilməsi haqqında Azərbaycan SSR Prezidenti Ayaz Mütəllibovun 31 yanvar 1991-ci il tarixli 152 nömrəli Fərmanı". www.e-qanun.az ( (az.)). 22.08.2022. 2022-11-28 tarixində arxivləşdirilib. İstifadə tarixi: 22.08.2022.
  5. ↑ Olympedia.org. "1992 Summer Olympics / Shooting / Sceet / Open". www.olympedia.org (ingilis). 2022-08-30. 2022-04-22 tarixində arxivləşdirilib. İstifadə tarixi: 30.08.2022.
  6. ↑ Normativ hüquqi sənədlərin vahid internet bazası. "Azərbaycan idmançılarının təltif edilməsi haqqında Azərbaycan Prezidenti Heydər Əliyevin 5 mart 1995-ci il tarixli 292 nömrəli Fərmanı". www.e-qanun.az ( (az.)). 22.08.2022. 2022-08-30 tarixində arxivləşdirilib. İstifadə tarixi: 22.08.2022.
  7. ↑ Olympedia.org. "1996 Summer Olympics / Shooting / Sceet / Men". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.