Arif Abdullayev

Arif Abdullayev (28 avqust 1969) — Azərbaycanı təmsil edən sərbəst güləşçi və məşqşi, 2003-cü il Dünya Çempionatının qalibi.[1] Uzun illər sərbəst güləş üzrə Azərbaycan yığmalarında baş məşqçi və məşqçi olaraq çalışıb.

Arif Abdullayev
Arif Abdullayev 2021-ci ildə
Arif Abdullayev 2021-ci ildə
Şəxsi məlumatlar
Tam adı Arif Yadulla oğlu Abdullayev
Vətəndaşlığı Azərbaycan Azərbaycan
Doğum tarixi (55 yaş)
Doğum yeri
Boyu 168 sm. (5 ft 6 in)
İdman növü Güləş
Karyera illəri 1982—2004
Məşqçisi Vahid Məmmədov
Medallar

Karyerası

[redaktə | mənbəni redaktə et]

Arif Abdullayev 1995-ci ildə İsveçrədə baş tutan Avropa Çempionatının bürünc medalına sahib oldu.[2] Həmin ilin avqustunda Atlanta şəhərində (ABŞ) Dünya Çempionatını 8-ci pillədə başa vuran Arif Abdullayev 1996-cı ilin martında Macarıstanın Budapeşt şəhərində baş tutan Avropa Çempionatının bürünc medalına sahib oldu.[2]

Arif Abdullayev həmin ilin iyulunda Azərbaycanı Atlanta şəhərində (ABŞ) baş tutan XXVI Yay Olimpiya Oyunlarında təmsil edib. Arif Abdullayev olimpiadanın birinci görüşündə İran nümayəndəsi Məhəmməd Taleh oldu.[3] Həmin görüşdə Arif Abdullayev rəqibinə 1:4 hesabı ilə məğlub[2] oldu və mübarizəni təsəlliverici qrupda davam elədi.[3] Təsəlliverici qrupun birinci görüşündə onun rəqibi Ukrayna nümayəndəsi Aslanbəy Fidarov oldu.[3] Həmin görüşdə Arif Abdullayev rəqibi üzərində 11:0 hesabı ilə inamlı qələbə qazandı və növbəti mərhələyə adladı.[3] Bu mərhələdə onun rəqibi bir zamanlar Azərbaycan yığmasında çıxış edən Moldova nümayəndəsi Nazim Əlicanov oldu.[3] Gərgin idman mübarizəsi şəraitində baş tutan görüşdə Arif Abdullayev rəqibinə 5:4 hesabı ilə qalib gəldi və növbəti mərhələyə adladı.[3] Bu mərhələdə isə onun rəqibi Türkiyə nümayəndəsi Harun Doğan oldu.[3] Gərgin idman mübarizəsi şəraitində baş tutan görüşdə Arif Abdullayev rəqibinə 1:2 hesabı ilə məğlub oldu və turnirdə medal uğrunda mübarizəsini dayandırdı.[3] Nəticədə Arif Abdullayev Atlanta Olimpiadasını onuncu pillədə başa vurdu.[3]

1997–1999-cu illərdə isə Arif Abdullayev Dünya və Avropa Çempionatlarında uğursuz çıxış elədi. 1997-ci ildə Avropa Çempionatını 10-cu, Dünya Çempionatını 7-ci pillədə başa vuran Arif Abdullayev 1998-ci ildə Avropa Çempionatını 10-cu, 1999-cu ildə isə Avropa Çempionatını[2] 8-ci, Dünya Çempionatını isə 22-ci pillələrdə başa vurdu.[2]

Arif Abdullayev 2000-ci ildə Belarusda Dünya Olimpiya Təsnifat Turnirinin gümüş medalına sahib oldu.[2] Bununla da Arif Abdullayev 2000-ci ildə Azərbaycanı Sidney şəhərində (Avstraliya) baş tutan XXVII Yay Olimpiya Oyunlarında təmsil elədi. 58 Kq. turnirində çıxış edən Arif Abdullayev qrup mərhələsinin birinci görüşündə Almaniya nümayəndəsi Otmar Kuhner ilə üz-üzə gəldi.[4] Gərgin idman mübarizəsi şəraitində baş tutan görüşdə Arif Abdullayev rəqibi üzərində 8:5 hesabı ilə qələbə qazandı.[4] Növbəti görüşdə onun rəqibi Ukrayna güləşçisi Yevgeni Busloviç oldu.[4] Bu görüşdə gərgin idman mübarizəsi şəraitində baş tutdu və nəticədə Arif Abdullayev rəqibinə 5:8 hesabı ilə məğlub oldu.[4] Qrup mərhələsinin sonuncu görüşündə isə onun rəqibi Ermənistan nümayəndəsi Martin Berberyan oldu.[4] Formal əhəmiyyətə sahib olan görüşdə Arif Abdullayev rəqibinə 1:11 hesabı ilə məğlub oldu və mübarizəsini qrup mərhələsində dayandırdı.[4] Ümumi nəticədə isə Arif Abdullayev olimpiadanı doqquzuncu pillədə başa vurdu.[4]

Olimpiadadan sonra Arif Abdullayev 2001-ci ildə Bolqarıstanda Dünya Çempionatını altıncı pillədə başa vurdu.[2] 2002-ci ilin mayında isə Arif Abdullayev üçüncü dəfə Avropa Çempionatının bürünc medalına sahib oldu.[2]

Azərbaycan Prezidenti Heydər Əliyevin 10.10.2002-ci il tarixli 797 nömrəli Fərmanına əsasən Azərbaycan idmanında xidmətlərinə görə Abdullayev Arif Yadulla oğlu "Tərəqqi" medalı ilə təltif edildi.[5]

2002-ci ilin sentyabrında İranda Dünya Çempionatını 8-ci pillədə başa vuran Arif Abdullayev 2003-cü ildə Azərbaycan idmanı tarixinə düşdü.[2] Həmin ilin sentyabrında Birləşmiş Ştatlarda baş tutan Dünya Çempionatının final görüşündə Kuba nümayəndəsi Yandro Kintana üzərində qələbə qazanan Arif Abdullayev güləş üzrə Dünya Çempionatının qalibi olmağı bacaran birinci Azərbaycan idmançısı olaraq tarixə düşdü.[2] 2004-cü ilin mayında Almaniya Qran-Prisi beynəlxalq turnirindən sonra idmanla vidalaşdı.[2]

Karyerasını başa vurandan sonra Arif Abdullayev məşqçi olaraq çalışıb. Müxtəlif illərdə sərbəst güləş üzrə Azərbaycan yığmalarında baş məşqçi və məşqçi olub.

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
1
1995
 Avropa Çempionatı İsveçrə İsveçrə
3.
2
 Dünya Çempionatı ABŞ ABŞ
8.
3
1996
 Avropa Çempionatı Macarıstan Macarıstan
3.
4
 Olimpiya Oyunları ABŞ ABŞ
10.
5
1997
 Avropa Çempionatı Polşa Polşa
10.
6
 Dünya Çempionatı Rusiya Rusiya
7.
7
1998
 Avropa Çempionatı Slovakiya Slovakiya
10.
8
1999
 Avropa Çempionatı Belarus Belarus
8.
9
 Dünya Çempionatı Türkiyə Türkiyə
22.
10
2000
 Dünya Olimpiya Təsnifat Turniri Belarus Belarus
2.
11
 Dünya Olimpiya Təsnifat Turniri Yaponiya Yaponiya
4.
12
 Olimpiya Oyunları Avstraliya Avstraliya
8.
13
2001
 Dünya Çempionatı Bolqarıstan Bolqarıstan
6.
14
2002
 Avropa Çempionatı Azərbaycan Azərbaycan
3.
15
 Dünya Çempionatı İran İran
8.
16
2003
 Dünya Çempionatı ABŞ ABŞ
1.
17
2004
 Almaniya Qran-Prisi Almaniya Almaniya
10.

İstinadlar

[redaktə | mənbəni redaktə et]
  1. ↑ Olympedia.org. "Arif ABDULLAYEV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 10 11 International Wrestling Database. "ARIF ABDULLAYEV". www.iat.uni-leipzig.de (ingilis). 2022-08-04. 2022-08-22 tarixində arxivləşdirilib. İstifadə tarixi: 02.08.2022.
  3. ↑ 1 2 3 4 5 6 7 8 9 Olympedia.org. "1996 Summer Olympics / Wrestling / Bantamweight (57 Kilograms) / Freestyle / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  4. ↑ 1 2 3 4 5 6 7 Olympedia.org. "2000 Summer Olympics / Wrestling / Featherweight / Freestyle (58 Kilograms) / Men". www.olympedia.org (ingilis). 2022-08-30. 2022-05-11 tarixində arxivləşdirilib. İstifadə tarixi: 30.08.2022.
  5. ↑ Normativ hüquqi sənədlərin vahid internet bazası. "Azərbaycan idmançılarının təltif edilməsi haqqında Azərbaycan Prezidenti Heydər Əliyevin 10.10.2002-ci il tarixli 797 nömrəli Fərmanı". www.e-qanun.az (az.). 22.08.2022. 2022-05-15 tarixində arxivləşdirilib. İstifadə tarixi: 22.08.2022.