Vladimir Jirinovski

Vladimir Volfoviç Jirinovski (rus. Владимир Вольфович Жириновский; 25 aprel 1946^[1][2], Almatı, Qazaxıstan SSR^[4][5] – 6 aprel 2022^[3], Moskva^[4][5][…]) — Rusiyalı dövlət xadimi, siyasətçi, hüquqşünas, türkoloq.

Vladimir Jirinovski
rus. Владимир Жириновский
Rusiya Federasiyası Dövlət Dumasının sədr müavini
18 yanvar 2000 – 21 dekabr 2011
Rusiya Liberal Demokrat Partiyasının sədri
1992 – 6 aprel 2022
Şəxsi məlumatlar
Doğum adı	Владимир Вольфович Эйдельштейн
Doğum tarixi	25 aprel 1946(1946-04-25)[1][2]
Doğum yeri	Almatı, Qazaxıstan SSR[4][5]
Vəfat tarixi	6 aprel 2022(2022-04-06)[3] (75 yaşında)
Vəfat yeri	Moskva, Rusiya[4][5][…]
Vəfat səbəbi	COVID-19, Septik şok[6]
Dəfn yeri	Novodeviçye qəbiristanlığı
Milliyyəti	Yəhudi
Təhsili	Moskva Dövlət Universiteti (1972–1977), Moskva Dövlət Universitetinin Hüquq fakültəsi[d]
Fəaliyyəti	siyasətçi, vəkil, hərbi qulluqçu
Atası	Volf Edelşteyn
Anası	Aleksandra Makarova
Dini	şərqi ortodoks xristianlıq
Hərbi xidmət
Mənsubiyyəti	Rusiya
Qoşun növü	Sovet Ordusu
Rütbəsi	Polkovnik
Elmi fəaliyyəti
Elm sahəsi	Türkologiya, politologiya
Elmi dərəcəsi	fəlsəfə elmləri doktoru (1998)
Təltifləri
Vikianbarda əlaqəli mediafayllar

Rusiya Liberal Demokrat Partiyasının qurucusu və lideri, Rusiya Federasiyası Dövlət Dumasının sədr müavini (2000–2011), VI çağırışın deputatı, Avropa Şurası Parlament Assambleyasının üzvü. Rusiya Federasiyası Prezidenti postuna 5 dəfə namizədliyini irəli sürüb (1991, 1996, 2000, 2008, 2012).

Vladimir Volfoviç Edelşteyn 4 aprel 1946 tarixində SSRİ-nin Almatı şəhərində anadan olub. Atası Volf İsaakoviç Edelşteyn (1907–1983) milliyətcə — yəhudi, anası Aleksandra Pavlovna Makarova isə milliyyətcə — rus olub. 1964-cü ildə Vladimir "Jirinovski" soyadını götürmüşdür. Vladimir orta təhsili Astana şəhəri 25 nümrəli orta məktəbdə alıb. 1964–1970-ci illərdə M.V.Lomonosov adına Moskva Dövlət Universitetinin tərkibində olan Qərb Dilləri Universitetinin "Türk dili və ədəbiyyatı" fakültəsində təhsil almışdır. 1965–1967-ci illərdə "Markizm-Leninizm Universiteti"-ndə "Xarici Əlaqələr" fakültəsində magist pilləsini almışdır. 1972–1977-ci illərdə M.V.Lomonosov adına Moskva Dövlət Universiteti hüquqşünaslıq fakültəsində təhsil almışdır.

Vladimir Jirinovskinin vəziyyəti 2 fevral 2022-ci il tarixində yeni növ koronavirus xəstəliyi səbəbi ilə ağırlaşmış və o, xəstəxanaya yerləşdirilmişdi. İki aydan artıq müddətdə yataq xəstəsi olan Jirnovski, tibbi cihazlara bağlı şəkildə yaşayırdı. 6 aprel 2022-ci il tarixində Vladimir Jirnovski vəfat etdi.^[7]

Onun siyasi karyerası daima Azərbaycana təhqirlə keçib. Ali təhsilini bitirdikdən sonra Vladimir Jirinovski hərbçi vəzifəsində çalışmağa başlamış və polkovnik rütbəsinə qədər qalxmışdır. 1975–1983-cü illər arasında Vladimir Jirinovski Hüquqşünaslar Kollegiyasının üzvü olmuşdur. 1983–1990-cı illərdə "MİR" dərgisində çalışmağa başlamışdır.

1990-cı ildə Sovet İttifaqı Liberal Demokrat Partiyasının üzvü olmuşdur. 1992-ci ildə Vladimir Jirinovski Rusiya Liberal Demokrat Partiyasının əsasını qoymuşdur. 1993–2000-ci illər arasında Rusiya Federasiyası Dövlət Dumasının deputatı və LDPR fraksiyasının lideri olmuşdur. 2000-ci ilin 18 yanvar tarixində Dövlət Dumasının sədr müavini seçilmiş və bu səbəbdən fraksiyada liderliyi öz oğlu İqor Lebedevə ötürmüşdür. 2011-ci ildə isə yenidən LDPR fraksiyasının Dumadakı liderinə çevrilmişdir. Ümumilikdə Vladimir Jirinovski Rusiya Federasiyası Dövlət Dumasının 6 çağırışından 6-sında (1993, 1995, 1999, 2003, 2007, 2011) deputat olmuş və 3 çağırışda (1999–2011) sədr müavini olmuşdur.

Vladimir Jirinovski 5 dəfə (1991, 1996, 2000, 2008, 2012) Rusiya Federasiyası Prezidenti postuna namizədliyini irəli sürmüş və bununla da Rusiyada rekord vurmuşdur. İlk dəfə 1991-ci ildə Vladimir Jirinovski Rusiya Sovet Federativ Sosialist Respublikasının prezidenti postuna namizədliyini irəli sürdü və 7,81% (6.211.007 səs) toplamağla 6 namizəd arasında 3-cü yeri tutdu. Növbəti iki seçkilərdə Vladimir Jirinovski daha uğursuz nəticə göstərdi. 1996-cı ildə o 10 namizəd arasında 5,7% (4.311.479 səs), 2000-ci ildə isə 11 namizəd arasında 2,7% (2.026.509 səs) toplamaqla iki dəfə ard-arda beşinci yeri tutdu. 2004-cü ildə Vladimir Jirinovski prezident seçkilərində çıxış etməkdən imtina edir. 2008-ci ildə isə Vladimir Jirinovski sayca 4-cü dəfə prezident postuna namizədliyini irəli sürmüş və 4 namizəd arasında 9,35% (6.988.510 səs) toplamış və Dmitri Medvedyev və Genadiy Züqanovun ardınca 3-cü yeri tutmuşdur. Bu Vladimir Jirinovskinin bu günə qədər göstərdiyi ən uğurlu nəticə olub. 2012-ci ildə Vladimir Jirinovski 5-ci dəfə Rusiya Federasiyası Prezidenti postuna namizədliyini irəli sürüb.

6 yanvar 1971-ci ildən ömrünün sonuna kimi Qalina Aleksandrovna Lebedeva (1949-cu il təvəllüdlü) ilə evli olub. Jirinovskinin üç övladı - iki oğlu və bir qızı var idi.

• Vladimir Jirinovskinin məqalələri Arxivləşdirilib 2015-09-27 at the Wayback Machine
• 1991-ci il Rusiya Dumasında çıxışı Arxivləşdirilib 2009-09-18 at the Wayback Machine
• Jirinovski Bağdad barədə Arxivləşdirilib 2007-08-24 at the Wayback Machine
• V.Jirinovski 2012 seçkiləri barədə Arxivləşdirilib 2012-01-21 at the Wayback Machine