ÇARPAYI Cövdətin qəzəblə vurduğu şillə Qulamı çarpayıdan yerə yıxdı (H. Abbaszadə); KROVAT (dan.) Doktor əyləşib Rzaquluxanın krovatının qarşısında boş bir səndəldə Münəvvərin başına əl çəkir (M.S.Ordubadi); QARAYOLA (arx.) [Sitarə:] Qarayolada uzanıb gözlərim bir nöqtəyə dikilmiş olduğu halda onu düşünür, onunla qovuşur, onunla sevişirdim (A.Şaiq); TAXT (taxta çarpayı, köhn.) Əli çörək yeyəndən sonra taxtın üstündə uzandı... (M.Hüseyn).
Çarpayı
Çarpayı (yunan dilində:κράββατος) — yataq mebeli dəstinə daxil olan məişə əşyası, yuxu üçün nəzərdə tutulur.
Yuxu insan sağlamlığı üçün çox önəmlidir. İnsan sutkada 6–8 saat yatır, deməli ömrünün 1/3 hissəsini çarpayıda keçirir. Heç şübhəsiz ki, çarpayı otağın interyeri, eləcə də rahatlıq baxımından çox önəmlidir.
Çarpayılar da formalarına görə müxtəlif olurlar. Düzbucaqlı, dördbucaqlı, yumru hətta ürəkşəklində olanlar.
Çarpayı seçərkən mütləq onun hansı materialdan hazırlandığına fikir vermək lazımdır. Təmiz ağacdan hazırlanan çarpayılar uzun ömürlü olur, amma qiyməti də digərlərinə nisbətən baha olur. Son zamanlar bəzi çarpayılar elektron idarə etməylə çalışırlar.
Belə çarpayılarda səsli idarəetmə də olur.