Ət sözü ilə bağlıdır. İçərisində dölün yerləşdiyi kisəyə (ət kisəsi) deyirlər. Doğuşdan bir qədər sonra (2-6 saat arası) düşür. Hələ tük gətirməmiş, yumurtadan təzə çıxmış quş balasına bəzi türk dillərində qızıl ətənə cücə deyirlər (bizdə: ətcəbala işlədilir). Rus dilində ətənə sözünün mənası послед kəlməsi ilə ifadə edilir, “sonra düşən” deməkdir. Tuva dilində döl kisəsi kimi də işlədilir, sonqu forması da var. türkmənlər dölyatağı deyirlər. Burada ət sözü döl kəlməsinin sinonimidir. Deməli, ətənə “ət halında olan dölün, yəni ətcəbalanın qabı”dır. (Bəşir Əhmədov. Etimologiya lüğəti)