араб, сущ.; -ди, -да; -ар, -ари, -ара 1) са чкадин, уьлкведин инсанар вири санлай. Гафар-чӀалар гьатна халкьдин сивера... Е. Э. Заз сабур гуз. Чи лезги халкьдикай рахайтӀа, ам чуьнуьхун, тарашун квачиз, намус, инсанпересвал вине кьуна яшамиш жезвайди я. ЛГ, 1992, 31. Х. Уьлкведин президент ахмакь кас ятӀа, Адаз сесер гайи халкьар начагъ я. И. Ш. Кьудар. 2) гз. числода: инсанар. Жув хьайила эвел халкьар арада, - Гила хелвет, хажалатдик кьурада... Е. Э. Дустариз. Халкьар гзаф, чӀалар хейлин Къавкъазда, Вири хура тун мумкин туш яракьдин. Х. Х. Масан баде.
* халкь авун гл., ни-куь вуж-вуч тикрар хъхьун мумкин тушир затӀ яратмиш авун. Сад Аллагьди тек халкь авур Са малаик я Пакисат. Е. Э. Пакисат. Дишегьли Аллагьди кӀвалин крар авун патал халкь авурди я. Гь. Гь. Адетдин къармахра. Аллагьди инсан инсан яз халкь авурд я, Гьардаз чпин везифаяр Аллагьдилай акурд я, Абур айру къабилайриз паюрд я, Вазни течир са къабила хьана вун. Н. Сам. Лезги, вавай жузан за... Синоним: халкьун.
* Халкь Авур Первердигар \[Халикь\] сущ. Аллагь. Халкь Авур Первердигарди чи уьмуьр абад авурай. Е. Э. Мубарак Исмаил. Халкь Авур Халикьди вичиз Сад кьиникьин тӀал авурай. Е. Э. КафтӀар къаридиз.
* халкь хьун гл., вуч арадиз атун. Цаниз халкь хьанвайди анжах пуд нумрадин куьтен я... лугьуз, бязибуру трактордин синихар ийизвай. З. Э. Муькъвел гелер.
* халкьдин къажгъан муркӀадални ргада мисал 'халкьди гъиле кьур кар кьилиз акъатда' манадин мисал. \[Брегьим\]. Дугъриданни, садра и къара жемят санлай къарагъайтӀа, нивай акъвазар хъийиз жедайди я? Мисалда гьавайда лугьузвайди туш гьа: халкьдин къажгъан муркӀадални ргада... Б. Гь. Большевикдин руш.