туьрк, прил 1) тамамариз зегьмет алай. Четин кар я ярдин къуллугъ... - Ваз. часа яр хьана, гуьзел. Е. Э. Художественный устадвал хкажун - им писателвилин кӀвалахда лап чарасуз ва лап четин месэла я. А. С. Жегьил шаиррин яратмишунин бязи месэлайрикай. 2) вич аннамишиз регьят тушир, зегьмет алай. Гьал четин я, севдуьгуьм, хьухь ваз хабар. Е. Э. Багьалу яр. Лезги литературадин, фольклордин девлетлу чӀал чир тахьунин нетижада авторри чпин произведенияр газетдин чӀалалди кхьизва, гьаниз килигна абурун шиирар векъибур, кӀелиз четинбур жезва. А. С. Жегьил шаиррин яратмишунин бязи месэлайрикай. Хаин паб хупӀ четин тушни! Е. Э. Четин тушни. Тажуб жедай кӀвалахни туш. Девир четинди, кьулайвилер къвердавай кьит, мажибар тӀимил, гьуьрметар квахьзавайди хьанва. ЛГ, 2003, 4. ХӀӀ. Синоним: залан. Антоним: регьят.