нар. 1) цав галай патаз.... адан юкьвалай виниз кьецӀилзавай бедендилай, хкадарзавай кацер хьиз, мускулар чир жезвай. Б. Гь. Заз эвера Ада Насибатан гъил кьуна виниз хкажна. А. Сайд. 2) вини патахъ. Нурмет куьчедай виниз фена. А. Ф. Лянет. Чигали кул-кусри кьунвай чухурдай виниз рекье гьатна. Б. Гь. Заз эвера.... хуьр гуьнедай виниз заландиз экъечӀзавай поезддиз ухшар аваз аквадай. С. Муслимов. 3) кьакьанда, масадбуралай кьакьан яз. - Ма ими, - лагьана Магьмуда. - И пайдах виниз кьуна вун вилик экечӀ. 3. Э. Куьгьне кавхаяр пӀуртӀ. 4) гзаф (яз, хьиз ). И зегьметдин къене кьве стхади варзни зуралай виниз кӀвалахна. А. Ф. Бубадин веси. Агъсакъалрин рикӀел хкунриз килигна ( месела, 110 йисалай виниз яш хьанвай Уруджев Гьабибуллагьдин ) ЦицӀигърин хуьруьн бине XVӀӀ асирдин сифте кьилера Къубадин Штул, Захит-Наби ва маса хуьрерай куьч хьайи кьуд сихилди кутуна. С. Муслимов. ЦицӀигъ-наме. Антоним: агъуз.
* виниз авун [ винизун рах. ] гл., ни вуж-вуч; хкажун. Зуьгьре яни, ам варз яни, ам гъед яни якъин, Виниз ая, Тамам къала гардан, алагуьзли. Е. Э. Алагуьзлидиз.
* виниз кьун гл., ни вуж-вуч 1) са квевай ятӀани кьакьанда хьун. 2) жув масадбуралай са квелди ятӀани артух тирди яз гьисабун. Эхиримжи вахтара ада вич виниз кьазва. Р.
* виниз хьун гл., вуч цав галай патахъ хьун. Пенжер са тӀимил виниз хьанва. Р.