гл., ни, вуж-вуч; -да, -на; -из, -зава; -а, -ин, -рай, -мир; гуьзет авун, гуьзет тавун, гуьзет тахвун, гуьзет хъийимир 1) килигун.... тараз акьахна, кьуд пад гуьзетна. Ф. Мердни намерд. 2) нел-квел ятӀани вил алаз хьун. Юлдашри зун гуьзлемишзава, гьар са декьикьада гуьзетзава. Н. Мирзоев. Цуькверин ваза. Са рагун кӀане немсерин десант ава, и пуд кас гуьзетзава вуна. А. С. Дагъларин адетар. 3) фагьумун, фикирда хуьн. Эгер вуна гуьзетнатӀа, гьар пакамахъ кӀвалахал атанмазни, зун гьуьлуьн къерехдал фида. 3. Ф. Суьгьуьрдин тӀвал гвайди. 4) вил алаз хьун. Алатай вахт вилик ква - зун гуьзетиз, Гележегди хъверзава зал кьулухъай. А. Къ. Зулун пешер. Синоним: гуьзлемишун.