гл.; киткида, кткана; киткиз, киткизва; -ук, киткин, -урай, киткимир; куткун тавун, куткун тахвун, куткун хъийимир 1) са гьихьтин ятӀани гьиссди, лишанди кьун. Гьар хемисдиз кӀан жеди аш, Киткид адан руфуник каш... С. С. Заз чида Куьредин адет. Ибур акурла, Ризадиз акьван шад жедай хьи, адан рикӀи гьерекатдалди кӀвалахдай, чандик ашкъи кткидай. А. Ф. Риза. - Ам зи ихтиярда авач эхир, - лагьана Ризадик хъвер кткана. Ам Саруханан куьк кавалдиз, рехивал ктканвай чӀулав чурудиз, яру чиниз ва хци чӀулав вилериз килигна. А. Ф. Риза.... председателди рех ктканватӀани, са чӀарни алахь тавунвай вичин къалин мекелай гъил аладарна. Б. Гь. Заз эвера. 2) лишандихъ галукьун. Гьайиф, лекьрек ктканач, ам яргъаз акъатнавай, - лагьана цавуз килигна Даниял. А. Сайд. Вили яна. 3) са вуч ятӀани ийиз вердиш хьун. Алхас: Вири ламар, балкӀанар махоркадик кткана. X. Т. Сифте адаз Керим халудиз ва гьатта милициядиз хабар гана, Балашан кац хьиз, инрик ктканвай Дагъларин сагьибдин дуван акваз таз кӀанзавай. Б. Гь. Заз эвера.