гл., ни вуч низ; -ида, -ена; -из, -изва; -ихь, -ин, -ирай, -имир; кхьин тавун, кхьин тахвун, кхьин хъийимир 1) карандашдалди ва я ручкадалди гьарфарин шикилар чӀугуна гафар, гафарин ибараяр чарчел ягъун, акъудун. Зи хифетрин сан гуналди, Кхьена Тамам жедани? Е. Э. Дуьньядиз. Илми Изади кхьей къелем, Безетмишна гьам хьанава. Е. Э. КӀани ярдиз. Амач къелем, я вахъ рангар Кхьидай дафтар амач хьи. С. С. Урусатдиз Сулейман, акъуд ви дафтар, Гьана кхьихь на гьа кафтӀар. С. С. Са къаридинни къужадин чӀиргъин. Чна вири гафар сивяй гьикӀ акъатзаватӀа, лап гьакӀ кхьизвач: бязи гафар сивяй акъудунунни кхьинин арада тафават ава. Гьа са гьарф са гафуна са жуьре, маса гафуна маса жуьре кӀелун мумкин я. М. М. Гь. Лезги грамматика. 2) гьарфар арадиз гъун. Икьван гагьди кхьин акъуднава, амма халкьдин арадиз чукӀурунин патахъай чавай лазимлу кьадар зегьмет ва дикъет гуз хьанач. Мейланан Шагьабуддин. Са кьве гаф. 3) туькӀуьрун. Экв таквадай буьркьуьдавай Ктабар, лугьун, кхьиз жедай туш.. С. С. Ахмакьвал пис четин тӀал я. АцӀай вир цларивай кьаз хъижедач лугьудайвал, завай кхьин тавуна акъвазиз хъхьанач. ЛГ, 2000, 10. VӀӀӀ. 4) цӀийи газет, журнал кӀвализ хкун патал пул гун. Эе, чан хтул, а газет кхьиз за шумуд йисар ятӀа... Ж. Гь. Дидедин кьарай авачир рикӀ. Гьавиляй чна, 29 рушани, газет кхьенва ва ашкъидивди кӀелзава. ЛГ. 2002, 12. VӀ. 5) арза-ферзе авун. За газетдиз кхьида. Р. 6) цицӀибар хьун патал кьуртӀи верч какайрал ацукьарун.
* кхьин-чӀурун сущ. кхьиз алакьун, савадлувал. Замана кхьин-чӀурун авачирди тир. С. С. Жувакай ихтилат.
* кхьинрин тарс сущ.; кхьиз чирдай тарс.