сущ.; - или, -иле: -илер, -илери, -илера. 1) мискьивал, гъилин кӀевивал, рикӀин дарвал, мишекъат гьал. Пириман мишекъатвал, шкьакьвал виридаз машгьур тир. Ф. Шкьакь Пирим. 2) куьч. дарвал, мублагьвал авачир гьал, кесибвал, кьитвал. Мукьтадиран тӀварунихъ галай колхозда ва адан бинедал тешкил хъувур «Заря» совхозда 1000 касдилай виниз колхозчийри, гуьгъуьнлай совхоздин рабочийри, вири кӀвалахралди таъмин хьуналди, мишекъатвал гьисс тавуна чпин хизанар хуьзвай. А. Шагьмарданов. Майишатдиз регьбервал гуникай веревирдер. Синонимар: дарвал, кесибвал, кьитвал мискьивал, шкьакьвал. Антонимар: захавал, гъил ачухвал,
* мишекъатвал авун гл., ни мишекъат гьал арадиз гъун.... совхоздин руководителри, халкьди лугьудайвал, мишекъатвал авуна. Ж, 1985, 12. ӀX,