сущ.: -кӀади, -кӀада; -кӀар, -кӀари, -кӀара гзаф къана кӀеви гьалдиз атанвай яд. Гатфар михьиз ачух хьана, - живер, муркӀар терг хьана. А. Ф. Бубадин веси. ВацӀ муркӀадик секин жезва. А. С. Хцихъ галаз ихтилат. Кефсуззавай Абдулкъадиран рикӀел мурк акьалтда. С. Муслимов, ЦицӀигъ-наме. Вич вичел хтай Камилаз вич тӀебиатди туькӀуьрнавай муркӀадин кӀвале аваз акуна. Гь. М. Им къван, имни терез. * кесиб гьамамдиз фейила, ци мурк кьуна.
* муркӀадин фур сущ. гаталди мурк хуьн патал эгъуьннавай фур.
* муркӀадин винел тум цайиди шиир, сущ. нетижасуз кар авурди. За вуч ийин.... муркӀад винел тум цайидаз? Е. Э. Эмин гада.
* муркӀадин кьелечӀ чкадилай хада мисал 'гьар са карда зайиф чкадиз зиян жеда' манадин мисал. Амма муркӀадин кьелечӀ чкадилай хада лагьайвал, фронтда хьайи къван хирери зайифарнавай буба кьвед лагьай хва хьайи са тӀимил вахтундилай кечмиш хьана. Б. Гь. Заз эвера.