сущ.'; -или, -иле; -илер, -илери, -илера намуссуз тир гьал. Им Икьван гагъди хьана, гила уях хьанвай куьгьие душмандин кӀвалах яни, тахьайтӀа гьакӀан са алчахдин намуссузвал яни? А. А. Пад хьайи рагъ. Вучиз чаз, дишегьлийриз, рикӀин тӀарвилер, чандин азабар, беябурчивилер жезва, вучиз садани эркекрин, папар авай гъуьлерин вафасузвиликай, намуссузвиликай лугьузвач? А. М. Киф атӀайди. Вафасуздаз халкьнавай туш лезги чӀал! Лайихсуздаз халкьнавай туш лезги тӀвар! Намуссузвал халкьнавай туш лезгидиз! Гардан кӀириз халкьнавай туш лезгияр! К. М. Ахварайни. Бязибуру ви намусдал хабарсуз Хуш налук хьиз, намуссузвал вегьезва. Заз инсанар, къизилдихъ хьиз, са юкъуз Намусдихъни тамарзлу жез кичӀезва. М. Б. Заз кичӀезва. Антоним: намуслувал.