фарс, сущ.; -уни, -уна; -ар, -кр, -ари, -ара техил, гъуьр михьун патал эчӀядай алат. Ирид фарин гъуьр сафунай яна. Ф. СакӀандин кикев гвай сафуна кьуьл эцяна, саф элкъвез-элкъвез кӀвалин муькуь кьилиз акъатна. А. А. Лезгияр. Сафуна авай пул акур далдамчидин чиник хъвер акатна, далдамди кӀарарив хам къазунзавай. С. Ярагъви ашукь Уьзден.
* цӀийи саф хкунал, цӀийи свас кар-кеспидал,
* саф-саф хьун шиир., гл., вуч гзаф тӀеквенар авай гьалдиз атун. КӀваляй са къари экъечӀна. Дуьньяяр акур, саф-саф хьана, вични сифтегъал рангни квадарна рагъул са затӀуниз элкъвенвай шалдин кӀаникай... чӀарар хкатнавай. Гь. М. Им къван, им ни терез. Синоним: тӀекв-тӀекв хьун.
* саф хьиз авун гл., ни-куь вуж тӀеквенар акъудун.
* сафуна авай мух хьиз зурзун гл., вуж кичӀевилин гьиссери кьуна бедендик зурузун акатнавай гьалда хьун. И вахтунда зун сафуна авай мух хьиз зурзазвай, - лугьузва Эскендаран Бажиди. Къ. Къ. КӀири Буба.
* сафунай килигайда, - ваз зун гьикӀ аквазватӀа, заз вунни гьакӀ аквазва, - лагьана мисал 'вун захъ галаз гьихьтин алакъайра хьайитӀа, зунни вахъ галаз гьакӀ жеда' манадин ибара. - Адан чинин ачухвал ви чинилай аслу я. Сафунай килигайда лагьана хьи, ваз зун гьикӀ аквазватӀа, заз вунни гьакӀ аквазва. Вири гьа и гафунин къене ава. З. Э. Арифдиз ишара. Сафунай килигзавайдавай, ваз зун гьикӀ аквазва лагьана хабар кьурла, жаваб ганалдай: - Ваз зун гьикӀ акваватӀа, заз вунни гьакӀ аквазва. А. М. Вучиз икӀ я?
* сафунай ягъун гл.; 1) ни вуч техил михьи авун патал сафуниз вегьена тӀеквенрай авадарун. Малум тирвал, техил буллухвилелди авай касди, ам регъуьз тухудалди сафунай яна хапуршапурдикай михьда. З. Э. Муькъвел гелер. Гьар экуьнахъ вун верчерин мукара къекъвез жеда, гагь вун фу чрадай гъуьр сафунай ягъиз айвандик ацукьна аквада, гагь нек ацаз калик жеда... М. В. Гьарасатдин майдандал. 2) ни вуж гзафбурукай сад хкягъун. Амма дарвал аваз, хизан къалин яз акъакь тийиз хьайила, михьунар арадай акъатда... Гьа икӀ советрин властдин сифтедай идарайра къуллугъчияр сафунай тияна эцигизвай. З. Э. Муькъвел гелер.
* сафунай язавайди хьиз гл. къалиндиз ва гзаф (марф, жив къун). Сафунай ягъизвайд хьиз марф къвазвай юкъуз Сулейман гьаниз фенвайди тир кьван. З. Э. Кек галкӀизва. Куьлуь чиг квай. На лугьуда, им сафунай ягъизвайди я. Куьчедал акъвазиз жедай тегьер авачир. З. Э. Рамзият. Жив сафунай ягъизвай югъ тир. Гьаятни кьацӀанвай. З. Э. Скульптор.