* серсер авун гл., ни-куь вуж лугьудай гаф жагъин тийиз фикирлу тир гьалдиз гъун. "Даниял кӀвале ава" лагьай хабарди серсер авур Къазиди япар къягъна жузуна... С. Гь. КӀири Буба. Ада гайи хабарди серсер авур Даниялан мукьвабуру, атана ам хутахна ва, адет тирвал, шелар-хвалар авуна, пака сур-кьул атӀана, кучукна: С. Гь. КӀири Буба.
* серсер хьун гл., вуж лугьудай гаф жагъин тийиз фикирлу тир гьалда хьун. Инсанриз рушан нур гузвай гуьзел чин ва яргъи чӀулав кифер акуна, абур серсер хьана. Ф. Гьуьлуьн руш. Гьапан гъиле авай гъуьндуьшкайрин кьилер акурла, Сардар са къадар вахтунда серсер хьана амукьна. С. Муслимов. ЦицӀигъ- наме. Амма гада серсер хьанвай, Къанди кьунвай тегьерда. М. Б. Мугъу сурар. Зай акъатай сесиникди шкафда ктабдихъ къекъвезвай Жаватни серсер хьана заз тамашна. Н. М. Къизилдин хтар.