сущ.: -ди, -да; -яр, -ри, -ра, са нин-куьн ятӀани тӀварар къалурнавай, кхьенвай чар. Гьазур колхозчиярни кеспидал алай вахт я. Гьа иналди сиягь туькӀуьрна, гьар садав къул чӀугваз турла, хьана жеда. А. А. Лезгияр. Муькъуьн вахфадин маларин сиягь истемишна Нямета. З. Э. Йифен тӀурфан. Эхиримжи вахтара и кӀвалах субутзавай акьван макъалаяр ва ктабар акъатнава хьи, тӀварар кьуртӀа чӀехи сиягь эмелдиз къведа. Заз а сиягь ваъ, тапархъан алимрин фикирар кӀелдайбурув агакьариз кӀанда. М. М. Чун вуч ксар я? Ватандин ЧӀехи дяведа гел галачиз квахьайбурун сиягь лап чӀехи я. ЛГ, 2004, 26. VӀӀ. Герек документрин сиягь чкадин ва я республшкадин паспортно-визовый къуллугъдай къачуз жеда. ЛГ, 2003, 4, XӀӀ. Синоним: список.
* чӀулав сиягь.
* сиягь кьун гл., ни нин-куьн нин-куьн ятӀани тӀварар кхьенвай чар туькӀуьрун. - Хъфена тадиз кьада за сиягь И тамавай кьван гьайванрин вири. А, С. Хцихъ галаз ихтилат.