прил. шад тушир,. Вичиз муьжуьд паб авай ва рикӀ сугъул тир ханди ашукьдиз чӀалар лугьун теклифна. М. М. Гь. Шииррин кӀватӀал туькӀуьрайдан патай (1941 ). Гагь ягъизва пианино, Вун гьич сугъул туш. А. С. Зи гъвечӀи руш... Жавгъаратан япаргай къакъатзавай кӀвачерин агъур сес галукьна ва рикӀел сугъул гьиссер алчуд хьана. У. Къемберов. Сел. Адет яз, юбилейриз талукь макъалаяр, вири сад хьиз, сугъулбур ва саки сад хьтинбур жеда. А. Къ. Шаирдин экв. Синонимар: пелеш, туькьуьл, перишан. Антоним: къумбар.
* сугъул хьун гл., вуж шад тушир гьалдиз атун. КӀвале са куьникни адан рикӀ кикӀизвачир. Ам бегьем сугъул хьана. З. Э. Арифдиз ишара. Гагь-гагь цавун аршдал цӀарар чӀугвазвай. цӀайлапанри дагълар экуь ийизвай, ва гьар сеферда таниш чкаяр акурла, рикӀ мадни сугъул жезвай... З. Гь. Лезгийрин риваят. Синонимар: пелеш хьун, туькьуьл хьун, перишан хьун.